Deuteronomio

16 Taq xtbʼeqä ri ikʼ abib, tanimaqʼijuj ri Pascua rchë Jehová ri aDios, rma pa jun aqʼaʼ rchë ri ikʼ abib, Jehová ri aDios xatresaj pä Egipto. 2 Y kʼo chë nayaʼ ri ofrenda rchë ri Pascua che rä Jehová ri aDios, [...] ri akuchï xtchaʼ wä Jehová rchë nnatäx ri rbʼiʼ. 15 7 qʼij kʼo chë naʼän jun nmaqʼij che rä Jehová akuchï xtuʼij wä Jehová chawä, rma Jehová ri aDios kan xtyaʼ utzil pa rwiʼ jontir atkoʼn chqä pa rwiʼ jontir ri xtaʼän, y rït kan kiʼ akʼuʼx xtaʼän rma riʼ. 16 Oxiʼ mul chpan jun jnaʼ, jontir achiʼaʼ kʼo chë nkibʼekʼutuʼ kiʼ chwäch Jehová aDios akuchï xtuʼij wä ryä. Ryeʼ kʼo chë nkiʼän riʼ taq kʼo ri Nmaqʼij kichë ri Kaxlanwäy ri Majun ta Chʼäm kikʼë, ri Nmaqʼij kichë ri Semanas chqä ri Nmaqʼij kichë ri Jay ri yebʼanon rkʼë rqʼaʼ cheʼ, y jontir kʼo chë kʼo nkikʼwaj äl che rä Jehová taq nkibʼekʼutuʼ kiʼ chwäch. 17 Chkijujnal ryeʼ kʼo chë kan kʼïy nkikʼwaj äl rchë nkiyaʼ che rä Jehová aDios, rma ryä kan kʼïy chqä ryaʼon chawä rït. 20 Ri chojmilal, xa xuʼ ri chojmilal kʼo chë nakanuj, rchë ke riʼ xkakʼaseʼ na y xkajeʼ chwäch ri ilew ri xtyaʼ qa Jehová ri aDios chawä.