Números
4 ¿Achkë rma xikʼäm pä rtinamit Jehová chpan re tzʼiran ilew reʼ? ¿Xojikʼäm pä xa xuʼ rchë röj chqä ri qawäj nqkäm qa aweʼ? 5 ¿Achkë rma xojiwesaj pä Egipto rchë xojikʼäm pä chwäch re itzel ilew reʼ? Aweʼ ma ütz ta nqaʼän qatkoʼn chqä majun ta higos, uvas chqä granadas, nixta kʼo yaʼ rchë nqatäj». 9 Rma riʼ Moisés xkʼän apü ri cheʼ chwäch Jehová, kan achiʼel xuʼij ryä che rä. 10 Chrij riʼ Moisés chqä Aarón xekimöl ri winäq chwäch ri abʼäj, y Moisés xuʼij chkë: «¡Tikʼoxaj kʼa reʼ, tïx taq winäq! ¿Kantzij niwajoʼ rïx chë röj nqesaj yaʼ chwäch re abʼäj reʼ?». 12 Chrij riʼ, Jehová xuʼij reʼ che rä Moisés chqä Aarón: «Rma rïx ma xikʼüt ta chë ikʼuqbʼan ikʼuʼx chwij rïn chqä ma xiyaʼ ta nqʼij chwäch ri tinamït Israel, rïx ma xkeʼikʼwaj ta re winäq reʼ chpan ri ilew ri xtinyaʼ rïn chkë».