Josué

2 «Ri nsamajel Moisés kamnäq chik, rma riʼ kakatäj chqä taqʼaxaj ri raqän yaʼ Jordán, rït chqä re tinamït reʼ, rchë yixapon chpan ri ilew ri nyaʼ chkë ryeʼ, ri israelitas. 7 Xa xuʼ ma taxiʼij ta awiʼ chqä kuw kapaʼeʼ, y kan tasmajij jontir ri Pixaʼ ri xuʼij qa Moisés, ri nsamajel, chawä. Kan chöj rkʼwaxik tabʼanaʼ, ma kabʼä ta ni pa derecha ni pan izquierda, rchë ke riʼ kan kʼo anaʼoj xtakʼüt xa bʼa akuchï xkabʼä wä. 8 Re wuj rchë re Pixaʼ reʼ ma tayaʼ ta qa rtzjoxik, y paqʼij chë chaqʼaʼ taskʼij rwäch chqä taquʼ rij, rchë ke riʼ xtasmajij jontir ri tzʼibʼatäl chpan. We xtaʼän riʼ, ütz xkabʼä pa akʼaslemal chqä xtakʼüt chë kan kʼo anaʼoj. 9 ¿Ma nbʼin ta komä chawä rïn chë ma taxiʼij ta awiʼ chqä kuw kapaʼeʼ? Ma taxiʼij ta awiʼ chqä ma kamayamoʼ ta, rma rïn Jehová, ri aDios, yïn kʼo awkʼë xa bʼa akuchï xkabʼä wä».