1 Samuel

2 Rma riʼ Saúl xerkʼwaj äl ye 3,000 chkë ri soldados ri más yekowin yechʼeyon ri ye kʼo Israel y xbʼä pa taq swan akuchï ye kʼo wä ri kʼsïkʼ rchë pa qʼayis rchë xbʼerkanuj David chqä ri achiʼaʼ ri ye kʼo rkʼë. 3 Ya riʼ taq Saúl xapon akuchï kʼo wä kikoral karneʼl ri bʼanon rkʼë abʼäj ri ye kʼo chuchiʼ ri bʼey. Chriʼ kʼo wä jun jül, y ryä xok chriʼ rchë xbʼechlun qa. David chqä rchiʼil ye tzʼyül wä kʼa akuchï nkʼis wä ri jül riʼ. 4 Rma riʼ, ri achiʼaʼ ri ye kʼo rkʼë David xkiʼij reʼ che rä: «Re qʼij reʼ Jehová najin nuʼij chawä: ‹Tatzuʼ, najin nyaʼ pan aqʼaʼ ri itzel nunaʼ chawä. Tabʼanaʼ ri nawajoʼ rkʼë›». Rma riʼ, David eqal xkatäj y xqpij rchiʼ rtzyaq Saúl. 5 Ye kʼa chrij riʼ, David xtiʼon ran rma xqpij rchiʼ rtzyaq Saúl. 6 Rma riʼ xuʼij reʼ chkë rchiʼil: «Xajan xinbʼän che rä wajaw, rma yë ryä chaʼon rma Jehová. Y rma ntaman achkë rbʼanik nchʼobʼon Jehová, majun bʼëy xtqʼax ta pa njolon nbʼän jun itzelal che rä ri achï ri chaʼon rma Jehová». 7 David xuʼij ya riʼ chkë ri achiʼaʼ rchë ma xebʼä ta chrij Saúl. Chrij riʼ, Saúl xel äl chpan ri jül y xchäp äl chik jmul rbʼey. 8 Ya riʼ taq David xkatäj äl, xel äl chpan ri jül y rkʼë kuw rchʼaʼäl xuʼij reʼ che rä Saúl: «¡Wajaw!». Taq Saúl xtzuʼun chrij, David xxkeʼ qa y xqasaj rjolon kʼa pan ilew chwäch. 9 David xuʼij reʼ che rä Saúl: «¿Achkë rma nanmaj kitzij ri winäq ri nkiʼij ‹David nrajoʼ yaturtzʼlaʼ›? 10 Re qʼij reʼ yakowin natzʼët chë Jehová xaturyaʼ qa pa nqʼaʼ taq yït kʼo wä pa jül. Ri achiʼaʼ ye kʼo wkʼë xkiʼij chwä chë katinkamsaj, ye kʼa xinpoqonaj awäch; rma riʼ xinbʼij qa chi nwäch: ‹Majun xtinbʼän ta che rä wajaw, rma yë ryä chaʼon rma Jehová›. 11 Y tatzuʼ, nataʼ, tatzuʼ rchiʼ atzyaq ri nkʼwan pa nqʼaʼ. Taq xinqpij, xikowin ta xatinkamsaj, ye kʼa ma xinbʼän ta riʼ. Komä yakowin natzʼët chë ma nwajoʼ ta yatintzʼlaʼ nixta nwajoʼ yikatäj pä chawij. Rïn majun nbʼanon ta chawä. Ye kʼa rït najin yinakanuj rchë yinakamsaj. 12 Rma riʼ, yë Jehová tbʼeʼok qʼatöy tzij chqakojöl. Yë Jehová ttzolin rkʼexel chawä jontir ri abʼanon chwä. Ye kʼa rïn, rïn ma nchʼobʼon ta yatintzʼlaʼ. 13 Reʼ kan achiʼel nuʼij jun ojer tzij, ‹Pa kan ri itzel taq winäq xuʼ itzelal kʼo›. Rma riʼ, rïn ma xkatintzʼlaʼ ta. 14 ¿Achoq chrij yït bʼenäq wä rït, ri qʼatöy tzij pa rwiʼ Israel? ¿Achkë achï najin nakanuj? ¿Ma yïn ta rïn, ri xa yïn achiʼel jun kamnäq tzʼeʼ chqä achiʼel jun ti kʼëq? 15 Yë Jehová tqʼatö tzij chqakojöl. Ryä xttzʼët pä re kʼayewal reʼ y xkirtoʼ. Xtuʼän chë kan pa rbʼeyal xtbʼan wkʼë chqä xkirköl pan aqʼaʼ». 19 ¿Achkë winäq nrïl ri itzel nunaʼ che rä ye k’a majun ta nuʼän qa che rä? Jehová xtyaʼö utzil pan awiʼ rma ri xaʼän wmä rïn komä. 20 Komä xqʼax chi nwäch chë rït xkatok ri qʼatöy tzij chqä chë pan aqʼaʼ rït xtkanaj wä qa ri qʼatbʼäl tzij pa rwiʼ Israel». 21 Y komä, pa rbʼiʼ Jehová taʼij chwä chë ma xtachüp ta kiwäch ri njatzul taq rïn yïn kamnäq chik. Taʼij chwä chë ma xtachüp nbʼiʼ chpan rfamilia ntataʼ.