2 Samuel

14 Kan xa xuʼ xkʼoxaj ya riʼ, David xuʼij ya reʼ chkë rsamajelaʼ ri ye kʼo rkʼë ryä chriʼ Jerusalén: «¡Joʼ äl, qanmäj äl aweʼ o majun ta jun chqë röj xtkowin xttoʼ riʼ pa rqʼaʼ Absalón! ¡Kixampä chanin, rchë ke riʼ ma xtqrbʼewlaʼ ta chik aweʼ y xkerkamsaj rkʼë espada jontir ri ye kʼo chpan re tinamït reʼ!». 21 Ye kʼa Ittái xuʼij reʼ che rä ri qʼatöy tzij: «¡Rma Jehová chqä rït ri qʼatöy tzij kan yïx kʼäs, xa bʼa akuchï xkajeʼ wä rït, tat, chriʼ chqä xkijeʼ wä rïn tapeʼ xkinapon chwäch kamïk!». 27 Chrij riʼ, ri qʼatöy tzij xuʼij reʼ che rä ri sacerdote Sadoc: «¿Ma yït ta jun profeta kʼa? Kixtzolin äl pa tinamït y tikʼwaj äl ri kaʼiʼ iwalkʼwal: Ahimáaz, ri akʼajol, chqä Jonatán, ri rkʼajol Abiatar. 28 Tikʼoxaj reʼ, rïn xkijeʼ akuchï yeqʼax wä äl ri winäq ri yebʼä pa tzʼiran ilew kʼa taq xtinkʼoxaj chë ütz iwäch xixapon». 29 Rma riʼ Sadoc y Abiatar xkikʼwaj äl Rkax ri kʼaslïk Dios kʼa Jerusalén y chriʼ xekanaj wä qa.