2 Samuel

25 Taq xapon Jerusalén rchë xkʼül apü ri qʼatöy tzij, David xkʼutuj che rä: «Mefibóset, ¿achkë rma ma xabʼä ta wkʼë?». 26 Ryä xuʼij che rä: «Wajaw, ri nsamajel xa xiruqʼöl. Rma rïn xa yikoj-ïn, xinbʼij che rä: ‹Tayaʼ qʼij chwä nbʼän rbʼanik nbʼür rchë yibʼä äl chrij, ke riʼ ntzeqelbʼej äl ri qʼatöy tzij›. 27 Ye kʼa ryä xa xtzʼük tzij chwij rïn chawäch rït wajaw. Ye kʼa rït, ri wajaw, kan yït achiʼel jun r·ángel ri kʼaslïk Dios. Rma riʼ, tabʼanaʼ wkʼë ri más ütz chawäch rït. 28 Wajaw, rït xakowin ta xakamsaj jontir rjatzul ntataʼ, ye kʼa ma xaʼän ta riʼ. Pa rkʼexel riʼ, xaʼän chë rïn, ri asamajel, xiwaʼ pa rwiʼ amesa. Rma riʼ, ¿yïn achkë ta kʼa rïn rchë nkʼutuj más chawä rït, ri qʼatöy tzij?». 30 Ye kʼa Mefibóset xuʼij che rä ri qʼatöy tzij: «Tayaʼ qa jontir che rä ryä, rma xa matyox chë rït, ri wajaw, ütz awäch xatzolin pä chawachoch».