1 Reyes

19 Chrij riʼ, Acab xuʼij che rä Jezabel jontir ri xuʼän Elías chqä achkë rbʼanik xerkamsaj jontir ri profetas rkʼë ri espada. 2 Taq xkʼoxaj riʼ, Jezabel xtäq jun achï rchë xbʼeruʼij che rä Elías: «¡Ri dioses xtkiyaʼ ta kʼa kʼayewal pa nwiʼ chqä xtkiyaʼ ta kʼa rtzʼaqat ri kʼayewal riʼ, we chwaʼq chpan re hora reʼ ma xtinbʼän ta chawä rït achiʼel wä xaʼän chkë ri profetas riʼ!». 3 Y ryä kowan xxiʼij riʼ. Rma riʼ xanmaj äl rchë ma nkamsäx ta. Ryä xapon Beer-seba, ri kʼo chpan rtinamit Judá, y chriʼ xyaʼ wä qa rsamajel. 4 Chöj jun qʼij xbʼiyïn chwäch ri tzʼiran ilew kʼa taq xapon rkʼë jun cheʼ ri q’än rusiʼj y xtzʼyeʼ qa chuxeʼ. Ryä xkʼutuj rkamik taq xuʼij: «¡Ma nköchʼ ta chik! Jehová, kinakamsaj, rma rïn ma más ta nqʼij chkiwäch ri watiʼt nmamaʼ». 5 Chrij riʼ xpneʼ qa chqä xok qa rwaran chuxeʼ ri cheʼ ri qʼän rusiʼj. Ye kʼa chaq kʼateʼ jun ángel xkʼasoj apü chqä xuʼij che rä: «Kakatäj chqä kawaʼ». 6 Taq ryä xtzʼët, kʼo wä jun setesïk kaxlanwäy chuxkïn rjolon pa kiwiʼ meqʼän taq abʼäj chqä jun xar yaʼ. Ryä xwaʼ, xkʼyaʼ chqä xok qa chik jmul rwaran. 7 Jbʼaʼ chrij riʼ ri r·ángel Jehová xpë pa rkaʼn mul, xkʼasoj chqä xuʼij che rä: «Kakatäj y kawaʼ, we ma xtaʼän ta riʼ ma xtaköchʼ ta ri bʼey ri kʼo chë xtaʼän». 8 Rma riʼ ryä xkatäj, xwa’ chqä xkʼyaʼ, y rma ri uchqʼaʼ xyaʼ ri wäy riʼ che rä, ryä 40 qʼij chqä 40 aqʼaʼ xbʼi’aj kʼa taq xapon pa Horeb, ri rjyuʼ ri kʼaslïk Dios. 9 Taq xapon chriʼ, xok apü chpan jun jül y chriʼ xqʼaxaj wä ri aqʼaʼ. Chaq kʼateʼ, xtzjon pä Jehová rkʼë y xuʼij che rä: «¿Achkë rma yït kʼo aweʼ Elías?». 10 Ryä xuʼij: «Rïn xa xuʼ rït nyaʼon aqʼij, Jehová ri yït kʼwayon bʼey chkiwäch ri ángeles. Ri tinamït Israel xyaʼ qa rsamajxik ri jikibʼäl tzij xaʼän kikʼë, xkimulij awaltares, xekikamsaj aprofetas, y xa xuʼ chik rïn yïn kʼo qa. Y komä nkajoʼ chqä yinkikamsaj rïn». 14 Ryä xuʼij: «Rïn xa xuʼ rït nyaʼon aqʼij, Jehová ri yït kʼwayon bʼey chkiwäch ri ángeles. Ri tinamït Israel xyaʼ qa rsamajxik ri jikibʼäl tzij xaʼän kikʼë, xkimulij awaltares, xekikamsaj aprofetas, y xa xuʼ chik rïn yïn kʼo qa. Y komä nkajoʼ chqä yinkikamsaj rïn».