Proverbios

28 Ri itzel taq winäq kan yeʼanmäj tapeʼ majun ntzeqelbʼen kichë, ye kʼa ri jïk kikʼaslemal kan ma nkixiʼij ta kiʼ, achiʼel nuʼän jun köj. 5 Ri winäq xa xuʼ itzelal nkiʼän ma nqʼax ta chi kiwäch ri chojmilal, ye kʼa ri yekanun Jehová yekowin nqʼax jontir chi kiwäch. 13 Ri winäq ri nrewaj rmak xa kʼayewal xtpë chrij, ye kʼa ri winäq ri nuʼij rmak chqä nuyaʼ qa rbʼanik xtpoqonäx rwäch. 14 Kan kiʼ rkʼuʼx nuʼän ri winäq ri ronojel mul nuchajij riʼ, ye kʼa ri ma nunmaj ta tzij xa xtrïl kʼayewal. 20 Ri winäq ri jïk rkʼaslemal xtyaʼöx kʼïy utzil pa rwiʼ, ye kʼa ri kan chanin nrajoʼ nbʼeyomär kan kʼo itzelal xkeruʼän.