Esdras

3 Chkipan qa ri qʼij riʼ, Tatenái —ri qʼatöy tzij pa kiwiʼ ri tinamït ri ye kʼo pa oeste rchë ri raqän yaʼ Éufrates— y Setar-Bozenái chqä ri rchiʼil xebʼä akuchï ye kʼo wä ryeʼ chqä xkikʼutuj chkë: «¿Achkë xyaʼö qʼij chiwä rïx rchë niyak re jay reʼ chqä rchë nikʼïs rbʼanik ri xttemen rchë?». 4 Chqä xkikʼutuj chkë: «¿Achkë kibʼiʼ ri achiʼaʼ ri najin yebʼanö re samaj reʼ?». 5 Ye kʼa Dios kan najin wä yerchajij pä ri ye ukʼwayon bʼey chkiwäch ri judíos. Rma riʼ, ma xkiqʼät ta ri samaj chkiwäch. Ye kʼa xtaq äl jun wuj che rä Darío ri nuʼij achkë wä najin nbʼanatäj chqä xkiyoʼej ri wuj ri akuchï ri qʼatöy tzij nuʼij wä pä chkë achkë kʼo chë nkiʼän.