2 Corintios

14 Y rïn kan ntaman chik riʼ, rma yajün Satanás nuʼän chë achiʼel ta ryä jun utziläj ángel. 23 ¿Ye rsamajelaʼ Cristo ryeʼ? Kan achiʼel ta rbʼanon itzel njolon nbʼij apü: rïn kan más nbʼanon rsamaj Cristo chkiwäch ryeʼ. Rïn más yïn samajnäq pä, más kʼïy mul yiyaʼon pacheʼ, kan kʼïy mul yinchʼeyon y kan kʼïy mul ntzʼeton rwäch nkamik. 24 Ri judíos 5 mul xinkichʼäy rkʼë cheʼ, a 39 jojun mul; 25 oxiʼ mul xichʼay rkʼë cheʼ, jun mul xkʼaq abʼäj chwij, oxiʼ mul ri barco akuchï yïn bʼenäq wä xbʼä qa chuxeʼ yaʼ y xikanaj qa jun qʼij chqä jun aqʼaʼ pa nkʼaj mar. 27 kan kuw yïn samajnäq pä chqä ma yïn uxlanäq ta, kʼïy mul ma yïn warnäq ta, nqʼaxan nmïk chqä chaqiʼj chiʼ, kʼïy mul ma yïn winäq ta, nqʼaxan tiw chqä kʼïy mul majun ntzyaq ta chwij. 28 Rkʼë jontir riʼ ri bʼanatajnäq wkʼë, kʼo chqä ri nquʼ rij ronojel qʼij: y ya riʼ ri yebʼanatäj chkipan ri congregaciones.