Proverbios

2 Ri winäq ri nunaʼ riʼ xa xtqasäx rqʼij, ye kʼa ri winäq ri nqʼax chwäch chë ma jontir ta nkowin nuʼän nukʼüt chë kan kʼo rnaʼoj. 12 Ri winäq ri majun ta rnaʼoj majun ta kiqʼij ri nkʼaj chik chwäch, ye kʼa ri winäq ri chanin nqʼax pa rjolon achkë najin nbʼanatäj majun nuʼij ta. 13 Ri winäq ri ntzʼukü tzij nresaj rtzjol ri kʼo chë ma ntel ta rtzjol, ye kʼa ri winäq ri kan ütz nakʼuqbʼaʼ akʼuʼx chrij rtaman nukʼöl ri nbʼix che rä. 14 Taq majun ta jun nyaʼö kinaʼoj ri winäq, ri tinamït nchʼak, ye kʼa taq ye kʼo ye kʼïy ajnaʼoj kikʼë kan ütz xttel apü jontir chkiwäch. 17 Ri achï ri ütz rnaʼoj kan kʼo ütz nrïl, ye kʼa ri winäq ri itzel rnaʼoj ryonïl ntzʼlaʼ riʼ. 24 Ri winäq ri ma nukʼekʼej ta nspan, nyaʼöx más che rä y ri winäq ri xa nukʼekʼej nuyaʼ ri kʼo rkʼë, xa xtkanaj qa pa mebʼaʼïl. 25 Ri winäq ri janina nspan kʼïy utzil xtrïl. Y ri winäq ri nukʼuqbʼaʼ kikʼuʼx ri nkʼaj chik, xtkʼuqbʼäx rkʼuʼx ryä chqä.