1 Juan

2 Walkʼwal, ntzʼibʼaj reʼ chiwä rchë ma yixqä ta pa mak. Ye kʼa, we kʼo jun chiwä rïx nqä pa mak, kʼo jun ri ntoʼö qchë ri kʼo chuxkïn ri Tataʼaj: Jesucristo, jun ri kan pa rbʼeyal nuʼän che rä ronojel. 3 Y nqaʼij chë qataman chik rwäch we ma nqayaʼ ta qa kisamajxik ri pixaʼ yeryaʼon qa chqë. 4 Ri winäq ri nuʼij «Rïn ntaman chik rwäch» ye kʼa ma nusmajij ta ri pixaʼ yeryaʼon qa xa jun ajtzʼuküy tzij, y ri kantzij ma aponäq ta pa ran. 5 Ye kʼa, we kʼo jun nutaqej ri rtzij, ri rajowabʼäl chrij Dios kantzij na wä chë tzʼaqät chik rbʼanon. Rma riʼ qataman chë kan jnan chik rbʼanon qawäch rkʼë ryä. 6 Ri winäq ri nuʼij chë kan jnan chik rbʼanon rwäch rkʼë ryä kʼo chë ronojel mul nuʼän jontir ri xuʼän ryä. 12 Walkʼwal, najin yitzʼibʼan äl chiwä rma xkuy yän imak [...] 14 [...] Qʼopojiʼ kʼojolaʼ, yitzʼibʼan chiwä rma rïx kuw ri ikʼuqbʼäl kʼuʼx y ri Rchʼaʼäl Dios kan kʼo pan iwan y yïx chʼakonäq pä chrij ri Itzel Winäq. 15 Ma keʼiwajoʼ ta ri winäq ri ma nkinmaj ta rtzij Dios nixta tirayij ri nkiʼän. We kʼo jun xa yerajoʼ ri winäq riʼ, nqʼalajin chë ma nrajoʼ ta ri Qatataʼ kʼo chkaj. 16 Rma jontir ri nkiʼän ri winäq riʼ ma rkʼë ta ri Qatataʼ kʼo chkaj petenäq wä, xa kan kikʼë ri winäq petenäq wä. Ryeʼ nkiʼän ri nurayij kichʼakul, ri nurayij kiwäch chqä kan nkinaʼ kiʼ rma ri kʼo kikʼë. 17 Chqä ri winäq y ri nkirayij xa nqʼaxan, ye kʼa ri winäq ri nuʼän ri nrajoʼ Dios majun bʼëy xtkäm ta. 18 [...] Achiʼel ikʼoxan pä chë xtpë ri nupabʼaʼ riʼ chwäch Cristo, [...] 20 Rïx xixchaʼöx rma Dios, y jontir rïx kan itaman chik riʼ. 22 ¿Achkë riʼ ri ajtzʼuküy tzij? ¿Ma yë ta komä riʼ ri nbʼin chë Jesús ma ya riʼ ta ri Cristo? [...] 27 Ye kʼa rïx, iyaʼon chwäch iwan chë xixchaʼöx rma Dios y ma nkʼatzin ta chik chë kʼo jun ntjon iwchë. Rma kan yë ryä xixchaʼö, najin nukʼüt ronojel reʼ chiwäch; reʼ kantzij y ma jun tzʼukün tzij ta. Kan jnan iwäch tibʼanaʼ rkʼë, kan achiʼel rkʼutun qa ryä chiwäch.