Génesis

21 Y ryeʼ xkiʼij kʼa chkiwäch: «Kantzij na wä chë najin nqatöj qamak rma ri xqaʼän che rä ri qachaqʼ, rma xqatzʼët ri tijöj poqonal xqʼaxaj taq xuʼij chqë chë tqajyowaj rwäch, ye kʼa ma xqanmaj ta rtzij. Rma kʼa riʼ najin nqaqʼaxaj re kʼayewal reʼ». 22 Rma riʼ Rubén xuʼij chkë: «Rïn xinbʼij chiwä chë ‹ma titzʼlaʼ ta ri akʼal›, ye kʼa rïx ma xinmaj ta ntzij. Rma riʼ komä najin nchʼojïx ri rkʼaslemal chqë». 23 Ye kʼa ryeʼ ma kitaman ta wä chë José najin wä nqʼax chwäch ronojel ri najin nkiʼij, rma kʼo wä jun ri najin nqʼaxan kitzij. 24 Rma riʼ, José xel äl kikʼë ri rchʼalal chqä xchäp oqʼej. Taq ryä xtzolin kikʼë chqä xtzjon chik jmul kikʼë, ryä xchaʼ Simeón chqä chkiwäch ri rchʼalal xuxïm wä. 36 Rma riʼ, Jacob ri kitataʼ xuʼij chkë: «¡Kan majun kʼa walkʼwal xtiyaʼ ta qa! ¡José ma kʼo ta chik, Simeón ma kʼo ta chik y komä xtikʼwaj äl Benjamín! ¡Xa chwij rïn yepë wä ronojel re kʼayewal reʼ!». 37 Ye kʼa Rubén xuʼij che rä rtataʼ: «Nyaʼ qʼij chawä chë xkeʼakamsaj ri kaʼiʼ nkʼajol we ma xtinkʼän ta pä chik Benjamín chawä. Tayaʼ äl pa nqʼaʼ rïn, y rïn xkitzolin pä chawä».