Salmos

2 Ye kʼa rïn xa jbʼaʼ ta chik xrajoʼ rchë xinel ta qa chpan ri ütz bʼey; xa jbʼaʼ ta chik xejaljoʼ ta waqän. 12 Kan ke riʼ nkiʼän ri itzel taq winäq. Ryeʼ kan majun ta kwest nuʼän chkiwäch. Kʼo kibʼeyomal y yeʼok más bʼeyon. 13 Kan nqʼalajin chi nwäch chë majun nkʼatzin wä chʼajchʼöj nbʼanon pä che rä wan chqä chë kan majun nmak ta nbʼanon pä chwäch Dios. 14 Chöj jun qʼij nchʼpü wä nkʼuʼx (yimayon); ronojel wä nmaqʼaʼ yiqʼil. 16 Taq ntäj wä nqʼij rchë nqʼax ya riʼ chi nwäch, rïn kan kwest wä nuʼän chi nwäch..., 17 kʼa taq xinok chpan ri loqʼoläj rachoch Dios y xqʼax chi nwäch achkë xtkïl ri winäq riʼ chkiwäch apü. 18 Kantzij na wä chë rït yeʼayaʼon chwäch jun jlöqʼ ilew. Naʼän chë ryeʼ nchaʼ chiʼ jontir ri kʼo kikʼë. 23 Ye k’a komä, rïn ronojel mul yïn kʼo awkʼë; rït achapon chë nqʼaʼ derecha. 24 Nakʼwaj nbʼey kikʼë ri naʼoj nayaʼ chwä, y chrij riʼ kan xtaʼän chë xtjeʼ nqʼij. 25 [...] Aweʼ chwäch le Rwachʼlew, majun ta chik jun ri más nwajoʼ chawäch rït. 26 Ri nchʼakul rkʼë jbʼaʼ xa xtkʼis rchqʼaʼ y ri wan rkʼë jbʼaʼ ma ütz ta chik xtsamäj, ye kʼa Dios ya riʼ ri abʼäj ri nchajin wan chqä ri achkë taqäl chwij nkʼül ri majun bʼëy xtesäx ta chwä. 28 Ye kʼa rïn, kan ütz nuʼän chwä yijelun rkʼë Dios. Kan rkʼë Jehová, ri Nimaläj Qʼatöy Tzij, ntoʼ wä wiʼ rchë ntzjoj ronojel ri rbʼanon.