Mateo

8 Rma riʼ, we ri aqʼaʼ o ri awaqän najin nkiʼän chawä chë yatzaq, taqpij y takʼaqaʼ äl. [...] 9 Chqä, we ri rnaqʼ awäch najin nuʼän chawä chë yatzaq, tawesaj äl chqä takʼaqaʼ äl. [...] 10 Tichajij iwiʼ rchë ma itzel ta nitzʼët jun chkë re akʼalaʼ reʼ, [...] 12 ¿Achkë niʼij rïx? ¿Achkë komä nuʼän jun achï ri kʼo 100 rkarneʼl, ye kʼa nsach jun chkë riʼ? ¿Ma niʼij ta komä rïx chë ri achï riʼ xkeryaʼ qa ri 99 pa jyuʼ chqä xtbʼä chukanuxik ri karneʼl sachnäq äl? 13 Y taq nbʼerilaʼ, kantzij na wä chë ntel más rkʼuʼx che rä ri karneʼl ri sachnäq äl chwäch ri 99 ri ma ye sachnäq ta. 14 Ke riʼ chqä nbʼanatäj rkʼë ri Ntataʼ kʼo chkaj: ryä ma nrajoʼ ta chë kʼo ta jun chkë re akʼalaʼ reʼ nchaʼ chiʼ. 16 Ye kʼa, we ma nunmaj ta atzij, katzolin rkʼë y takʼwaj äl jun o kaʼiʼ winäq, rma rkʼë ri nkiʼij kaʼiʼ u oxiʼ winäq nqʼalajin wä ri xbʼanatäj. 18 Kantzij nbʼij chiwä chë xa bʼa achkë xtiyüt rïx chwäch le Rwachʼlew ya yutun chik chlaʼ chkaj, y xa bʼa achkë xtikïr rïx chwäch le Rwachʼlew ya kron chik chlaʼ chkaj. 22 Jesús xuʼij reʼ che rä: «Manä, rïn ma nbʼij ta chawäch chë 7 mul nkʼatzin naküy rmak, rït 77 mul nkʼatzin naʼän riʼ. 23 Rma riʼ ri Qʼatbʼäl Tzij ri kʼo chkaj ütz nqajnamaj rkʼë jun qʼatöy tzij ri xrajoʼ xtzʼët jaruʼ kikʼas rsamajelaʼ rkʼë. 24 Taq xchap rutzʼetik riʼ, xkikʼäm pä jun ri kʼo 10,000 talentos rkʼas rkʼë. 28 Ye kʼa ri samajel riʼ xel äl chriʼ y xrïl jun rchiʼil ri xmïl chqä pa samaj. Ri rchiʼil riʼ kʼo wä 100 denarios rkʼas rkʼë. Rma riʼ xbʼä chrij y xpïtzʼ chqül. Xuʼij reʼ che rä: ‹¡Tatojoʼ pä jontir ri akʼas abʼanon wkʼë!›. 31 Taq ri nkʼaj chik rchiʼil ri ye xmïl chqä pa samaj xkitamaj ri xbʼanatäj, kowan xpë kiyowal, rma riʼ xkibʼeʼij jontir ri xbʼanatäj che rä kajaw. 35 Ke riʼ chqä xtuʼän iwkʼë rïx ri Ntataʼ kʼo chkaj we rïx ma rkʼë ta ronojel iwan xkeʼiküy ri iwachʼalal».