Jueces

13 Gedeón xuʼij che rä: «Kinakyuʼ wajaw, ye kʼa we Jehová kʼo qkʼë, ¿achkë rma najin nbʼanatäj reʼ qkʼë? ¿Akuchï ye kʼo wä ri nimaläj taq bʼanobʼäl ri xkitzjoj ri qatiʼt qamamaʼ chqë? Ryeʼ nkiʼij wä chqë: ‹Yë Jehová xesan pä qchë pan Egipto›. Ye kʼa komä Jehová xa xqrmalij qa y xqryaʼ qa pa kiqʼaʼ ri ye kʼo Madián». 14 Rma riʼ, Jehová xtzuʼ apü Gedeón chqä xuʼij che rä: «Jät, rma rkʼë ri awchqʼaʼ kʼo xtaköl Israel pa rqʼaʼ Madián. ¿Ma yïn ta rïn ri najin yitaqö awchë kʼa?». 15 Y Gedeón xuʼij che rä: «Kinakyuʼ Jehová, ye kʼa ¿achkë rbʼanik xtinköl Israel? Ri nfamilia ma más ta rqʼij chkikojöl rjatzul Manasés y rïn kan majun ta nqʼij chkiwäch ri wachʼalal».