2 Juan

1 Ri riʼj achï nutäq reʼ chë rä ri ixöq ri chaʼon chqä chkë ri ral, ri janina yenwajoʼ. Ye kʼa ma xa xuʼ ta rïn, chqä yeʼajowäx kimä jontir ri kitaman chik ri kantzij, 4 Kan kowan xel nkʼuʼx taq xintamaj chë ye kʼo jojun awal najin nkismajij ri kantzij taq naʼoj, kan achiʼel nuʼij ri pixaʼ ri xyaʼ Qatat kʼo chkaj chqë. 6 Y ya reʼ ntel chë tzij nqjowan: ma nqayaʼ ta qa rsamajxik rpixaʼ Qatat. Ya reʼ ri pixaʼ ri ikʼoxan pä rïx pa naʼäy: ronojel mul tikʼutuʼ chë yixjowan. 8 Tichajij iwiʼ rchë ma nitzʼlaʼ ta ri qatjon pä qaqʼij chuchʼakik, ke riʼ kan tzʼaqät ri spanïk xtikʼül apü. 9 Ri winäq ri ma nukʼüt ta ri naʼoj xerkʼüt qa Cristo y xa jun chik naʼoj nukʼüt ma jnan ta rwäch rkʼë Dios. Ye kʼa ri winäq ri nukʼüt ri naʼoj xerkʼüt qa Cristo jnan rwäch rkʼë Qatataʼ kʼo chkaj chqä rkʼë Cristo, ri Rkʼajol. 10 We kʼo jun npë iwkʼë y ma yë ta ri naʼoj riʼ yerkʼüt, ma tikʼül ta pan iwachoch nixta tichʼaʼej. 11 Rma ri nchʼaʼen rchë ntok rchiʼil chubʼanik ri ma ütz ta yeruʼän ri winäq riʼ.