Proverbios

5 Ri nuchʼöbʼ pa ran jun achï kan achiʼel jun yaʼ ri nüm rpan, ye kʼa ri achï ri nuksaj rnaʼoj rtaman achkë rbʼanik yeresaj ri chʼobʼonïk riʼ. 8 Taq ri qʼatöy tzij ntzʼyeʼ pa rutzʼibʼäl rchë nuqʼät tzij, kan nutzʼët na achkë itzelal xbʼan. 18 Taq ri winäq nkikʼulbʼej kiʼ, kan ütz xttel apü jontir chkiwäch; kan taquʼ na rij achkë rbʼanik xtaʼän jun chʼaʼoj. 21 Taq jun winäq nrïl rbʼeyomal xa rma njakʼäkʼ, Dios majun ütz ta xtyaʼ pä pa rwiʼ pa rkʼisbʼäl. 24 Yë Jehová nkʼwan kibʼey ri winäq. ¿Achkë rbʼanik nutzʼët jun winäq achkë bʼey kʼo chë nukʼwaj? 25 Xa kʼayewal xtkanuj qa chrij ri winäq ri ma nuquʼ ta na nuʼij «¡Loqʼoläj!» che rä xa bʼa achkë jun y chrij riʼ nnatäj che rä achkë xuʼij chë xtuʼän. 29 Ri nbʼanö chë ri kʼojolaʼ kan kʼo kiqʼij ya riʼ ri kichqʼaʼ, y ri nbʼanö chë ri kʼo chik kijnaʼ kan kʼo kiqʼij ya riʼ ri säq chik kijolon.