Mateo

3 Y taq ryä tzʼyül wä pa jyuʼ Olivos, ri rtzeqelbʼëy xejelun apü rkʼë y pa ryonïl xkiʼij reʼ che rä: «Taʼij chqë ajän xtbʼanatäj riʼ, chqä achkë xtkʼutü chë rït ya yït kʼo chik qkʼë chqä chë ya xa nbʼekʼis ri najin nbʼanatäj chwäch le Rwachʼlew». 6 Rïx xtikʼoxaj chë kʼo chʼaʼoj najin yebʼanatäj näj chqä naqaj. Ye kʼa ma tixiʼij ta iwiʼ, rma ya reʼ kan kʼo chë yebʼanatäj. Ye kʼa ma ya riʼ ta ri q’ij taq xtchup rwäch jontir ri itzelal. 7 Rma xtjeʼ chʼaʼoj chkiwäch ri tinamït chqä chkiwäch ri qʼatbʼäl taq tzij. Y xa bʼa akuchï xtjeʼ wayjal chqä xkebʼanatäj mamaʼ taq slonel. 9 [...] y rma nbʼiʼ, jontir ri winäq itzel xtkinaʼ chiwä. 12 y, rma xtkʼiyär ri itzelal, ye kʼïy ma xkejowan ta chik. 13 Ye kʼa ri xtkochʼon kʼa taq xtbʼekʼis ronojel, ya riʼ ri xtkolotäj qa. 14 Y ri ütz taq rtzjol chrij Rqʼatbʼäl Tzij Dios xttzjöx chwäch jontir Rwachʼlew rchë jontir winäq xkekʼoxan rchë, y chrij riʼ xtchup rwäch ronojel ri itzelal. 15 Rma riʼ taq xtitzʼët ri kan janina tzʼil chqä ri kan nuchüp rwäch jontir paʼäl pa rwiʼ jun ri kan loqʼoläj, achiʼel xtzjoj qa ri profeta Daniel (tksaj rnaʼoj ri najin nskʼin rwäch re wuj reʼ), 16 ri ye kʼo pa Judea keʼanmäj äl pa taq jyuʼ. 17 Ri kʼo pa rwiʼ rachoch, ma tqä ta pä pa rachoch rchë nbʼeresaj ri achkë kʼo rkʼë, 20 Rma xtjeʼ jun nimaläj tijöj poqonal. Kan xa xuʼ xyaʼöx kikʼaslemal ri winäq kʼa komä, majun bʼey bʼanatajnäq ta ri tijöj poqonal riʼ y majun bʼey xtbʼanatäj ta chik. 21 Rma chkipan ri qʼij riʼ xtpë jun nüm kʼayewal chiwij. Kan xa xuʼ xbʼan le Rwachʼlew kʼa komä, majun bʼëy bʼanatajnäq ta jun kʼayewal achiʼel riʼ y majun bʼëy chik xtbʼanatäj ta. 24 Rma xkepë na ri ma ye tzij ta profetas chqä ma ye tzij ta cristos, y xtkiʼän nmaʼq taq milagros ri kan ntel akʼuʼx che rä rchë yekiqʼöl ri winäq, y kan xtkitäj kiqʼij rchë yekiqʼöl ri yechaʼon chik. 30 Chrij riʼ xtqʼalajin chlaʼ chkaj ri retal ri Rkʼajol ri Achï y jontir winäq xttiʼon kan rma ri xkiʼän y xtkitzʼët ri Rkʼajol ri Achï —ri kan kʼo uchqʼaʼ pa rqʼaʼ— ri xtpë pa rwiʼ ri sutzʼ. 31 [...] ryeʼ xkekimöl ri yerchaʼon [...] 33 Ke riʼ chqä rïx, taq xtitzʼët jontir reʼ, titamaj chë ryä xa naqaj chik kʼo pä, kan achiʼel ta chuchiʼ jay chik kʼo pä. 36 Ye kʼa, ri qʼij chqä ri hora majun achkë tamayon rchë, ni ri ángeles ri ye kʼo chkaj ni rïn, ri Rkʼajol Dios; xa xuʼ Ntataʼ kʼo chkaj. 37 Rma, kan achiʼel pa rqʼij qa Noé, kan ke riʼ chqä xtuʼän taq rïn, ri Ralkʼwal Winäq, xkijeʼ chik jmul iwkʼë. 38 Chkipan qa ri qʼij riʼ, taq majanä tbʼanatäj ri mamaʼ Qʼeqäl Jöbʼ, ri winäq yewaʼ chqä yeʼukʼyaʼ wä, ri achiʼaʼ yekʼleʼ y ri ixoqiʼ yeyaʼöx wä äl pa jay, kʼa taq Noé xok pa arca; 39 y ma xkinmaj ta tzij kʼa taq xpë ri mamaʼ Qʼeqäl Jöbʼ chkij y xchup kiwäch. Kan ke riʼ xtbʼanatäj taq ri Rkʼajol ri Achï xtqʼät tzij. 40 Chkipan ri q’ij riʼ, kaʼiʼ achiʼaʼ xkejeʼ pa jyuʼ: jun chkë ryeʼ xtkʼwäx äl y le jun chik xtyaʼöx qa. 41 Kaʼiʼ ixoqiʼ xtkijökʼ trigo: jun chkë ryeʼ xtkʼwäx äl y le jun chik xtyaʼöx qa. 42 Rma riʼ kan ronojel mul kiniyoʼej apü, rma ma itaman ta ajän xkipë rïn ri Iwajaw. 43 Ye kʼa tqʼax reʼ chiwäch: xa ta ri rajaw ri jay rtaman achkë peraj rchë ri aqʼaʼ npë ri aleqʼon, ryä ma ta xwär chqä ma ta xyaʼ qʼij chë xjoqʼ rchiʼ rachoch. 44 Rma riʼ, rïx chqä titamaj apü achkë nkʼatzin niʼän taq xtpë ri Rkʼajol ri Achï, rma ryä xtpë jun hora ri ma ichʼobʼon ta rïx chë xtpë. 45 ¿Achkë komä riʼ ri ütz samajel ri kan kʼo rnaʼoj ri xyaʼöx qa rma ri rajaw pa kiwiʼ ri nkʼaj chik samajelaʼ rchë kan pa rqʼijul nuyaʼ kiway? 46 ¡Kan ütz we ri samajel riʼ, taq ri rajaw xttzolin chrachoch, najin nuʼän ri samaj xyaʼöx qa pa rqʼaʼ! 47 Kantzij nbʼij chiwä chë ri rajaw xtyaʼ qa ronojel rbʼeyomal pa rqʼaʼ.