Proverbios

22 Más ütz yetzjon ütz chawij chwäch ri njeʼ abʼeyomal; ri ütz yatzʼet kimä ri nkʼaj chik más ütz chwäch ri njeʼ plata chqä oro awkʼë. 3 Ri winäq ri kʼo rnaʼoj nutzʼët apü ri kʼayewal y nrewaj riʼ chwäch, ye kʼa ri majun ta kinaʼoj yebʼä apü y nkibʼewlaʼ ri kʼayewal. 4 Ri winäq ri ma nunaʼ ta riʼ chqä nuxiʼij riʼ chwäch Jehová xtrïl bʼeyomäl chqä kʼaslemal, y kan xtyaʼöx rqʼij. 6 Takʼutuʼ chwäch ri akʼal achkë bʼey kʼo chë nukʼwaj, rchë ke riʼ majun bʼëy xtyaʼ ta qa tapeʼ xtirjïx. 7 Ri ye kʼo pa mebʼaʼïl kan pa rqʼaʼ ri bʼeyon ye kʼo wä, y ri nbʼanö kʼas kan ntok rsamajel ri achoq rkʼë nuʼän wä kʼas. 9 Ri winäq ri nqä chwäch nspan, kan kʼïy utzil xtrïl rma kan nuspaj rway ri majun ta rrajil. 17 Tayaʼ axkïn chkë ri ajnaʼoj taq winäq, ke riʼ xkakowin xtayaʼ awan chrij ri wetamabʼal, 19 Rïn nyaʼ anaʼoj komä rchë xtakʼuqbʼaʼ akʼuʼx chrij Jehová. 29 ¿Atzʼeton rït jun winäq ri kan rtaman nuʼän rsamaj? Ri winäq riʼ kan chkiwäch qʼatöy taq tzij xtjeʼ wä, y ma chwäch ta xa bʼa achkë winäq.