Mateo

4 Ryä xuʼij chkë: «¿Ma niskʼin ta kʼa chpan ri Pixaʼ chë pa naʼäy Dios xuʼän jun achï chqä jun ixöq, 5 y xuʼij ‹Rma riʼ, ri achï xtyaʼ qa ri rteʼ chqä ri rtataʼ, y rkʼë ri rxjayil xtjeʼ wä y chkaʼiʼ xkeʼok jun chʼakulaj›? 6 Achiʼel nitzʼët ryeʼ ma ye kaʼiʼ ta chik, xa jun chʼakulaj chik kibʼanon. Rma kʼa riʼ, ri rtnun qa Dios, majun ta jun achï tjachö rchë». 9 Rïn nbʼij kʼa chiwä chë xa bʼa achkë ri nuchüp rwäch ri rkʼulanen rkʼë ri rxjayil —ye kʼa we ma rma ta chë xkanüx rkʼexel— y nkʼuleʼ chik rkʼë jun, xa najin nuʼän jun mamaʼ mak». 11 Ryä xuʼij chkë: «Ma jontir ta yekowin nkismajij re tzij reʼ, xa xuʼ ri kʼo ri spanïk riʼ kikʼë. 12 [...] Ri nkowin nbʼanö riʼ, kan tbʼanaʼ». 16 Chrij riʼ, xjelun apü jun achï rkʼë y xuʼij reʼ che rä: «Tijonel, ¿achkë ütz taq bʼanobʼäl kʼo chë yenbʼän rchë nwïl ri kʼaslemal ri majun bʼëy xtkʼis ta?». 19 tayaʼ kiqʼij ri ateʼ atataʼ, y keʼawajoʼ ri nkʼaj chik winäq achiʼel ri nawajoʼ qa awiʼ rït». 21 Jesús xuʼij che rä: «We kan pa rbʼeyal nawajoʼ naʼän jontir, takʼayij jontir ri kʼo awkʼë y tayaʼ ri päq chkë ri ye kʼo pa mebʼaʼïl; ke riʼ xtjeʼ abʼeyomal chlaʼ chkaj. Chrij riʼ katzolin pä chqä katok nutzeqelbʼey». 24 Y jun mul chik nbʼij chiwä chë más chaq bʼaʼ xtqʼax jun camello chpan jun bʼaq rchë tisoʼn chwäch jun bʼeyon xttok chpan Rqʼatbʼäl Tzij Dios». 26 Jesús xertzuʼ chqä xuʼij reʼ chkë: «Ri winäq ma yekowin ta nkiʼän reʼ, ye kʼa Dios jontir nkowin nuʼän». 27 Ya riʼ taq Pedro xuʼij reʼ che rä: «Röj kan qayaʼon qa jontir rchë yatqatzeqelbʼej. ¿Achkë utzil xtqïl rma xqaʼän riʼ?». 28 Jesús xuʼij chkë: «Chöj nbʼij chiwä chë taq xtbʼeqä ri qʼij rchë xtbʼan kʼakʼakʼ che rä jontir chqä ri Rkʼajol ri Achï xttzʼyeʼ chpan ri nimaläj rtrono, rïx, ri yinitzeqelbʼen pä, xkixtzʼyeʼ chkipan 12 tronos y xtiqʼät tzij pa kiwiʼ ri 12 ijatzul rchë Israel.