Lucas

18 Chrij riʼ xtzjoj jun kʼambʼäl tzij chkë rchë xkʼüt chkiwäch chë kan nkʼatzin ronojel mul yechʼö rkʼë Dios chqä chë ma tkiyaʼ ta qa rbʼanik riʼ. 2 Ryä xuʼij chkë: «Chpan jun tinamït, kʼo wä jun achï ri nqʼatö tzij pa kiwiʼ ri winäq ri ma nuyaʼ ta rqʼij Dios chqä kan majun ta kiqʼij ri winäq chwäch. 3 Chpan chqä ri tinamït riʼ kʼo wä jun malkaʼn ixöq ri chaq taqïl wä nbʼä rkʼë ri qʼatöy tzij riʼ rchë nuʼij reʼ che rä: ‹Kinatoʼ chwäch ri winäq ri najin nuʼän chʼaʼoj wkʼë›. 4 Tapeʼ xqʼax jun tiempo ri achï riʼ ma xrajoʼ ta xtoʼ ri malkaʼn ixöq, chrij riʼ xquʼ qa reʼ: ‹Tapeʼ ma nyaʼ ta rqʼij Dios chqä majun ta kiqʼij ri winäq chi nwäch, 5 rma re malkaʼn reʼ ronojel mul yirnaqaʼ, xtintoʼ rchë kan pa rbʼeyal xtbʼan rkʼë, ke riʼ ma xkirnaqaʼ ta chik›». 6 Y ri Ajaw xuʼij chqä reʼ: «¡Tiquʼ rij achkë xuʼij ri qʼatöy tzij tapeʼ xa ajmak! 7 Rma riʼ, ¿ma xtuʼän ta komä Dios chë kan pa rbʼeyal xtqʼat tzij pa kiwiʼ ri yerchaʼon ryä ri kan paqʼij chë chaqʼaʼ nkikʼutuj kitoʼik che rä? Rma ryä kan ma nikʼo ta rkʼuʼx kikʼë. 8 Kantzij nbʼij chiwä chë ryä xtuʼän chë kan pa rbʼeyal xtqʼat tzij pa kiwiʼ. Ye kʼa taq xtpë ri Rkʼajol ri Achï, ¿xkerïl komä winäq ri ke riʼ kikʼuqbʼäl kʼuʼx?». 19 Jesús xuʼij che rä: «¿Achkë rma naʼij utziläj chwä? Majun ta jun ri kan utziläj rnaʼoj, xa xuʼ jun, ya riʼ Dios. 43 Y ri achï kan chanin xjaqatäj rwäch y xtzuʼun, y xtzeqelbʼej äl Jesús chqä xyaʼ rqʼij Dios. Taq ri winäq xkitzʼët riʼ, ryeʼ chqä xkiyaʼ rqʼij Dios.