Salmos

5 Rma rït, nimaläj Jehová, kan ütz anaʼoj chqä ma nakʼewaj ta yakyun; kan kowan chqä kan ronojel mul yeʼawajoʼ jontir ri yeskʼin awchë. 6 Nimaläj Jehová, tayaʼ axkïn chwä taq yichʼö awkʼë; kinakʼoxaj taq nkʼutuj ntoʼik chawä. 7 Rïn nkʼutuj ntoʼik chawä taq kowan najin nchʼpü nkʼuʼx rma ntaman chë kan xkinatoʼ pä. 11 Nimaläj Jehová, takʼutuʼ ri abʼey chi nwäch. Rïn xkensmajij ri naʼoj yeʼakʼüt chi nwäch. Tabʼanaʼ chë ma nuʼän ta kaʼiʼ wan, rchë ma xtinqasaj ta rqʼij ri abʼiʼ. 12 Jehová, ri nimaläj nDios, rïn nyaʼ aqʼij rkʼë ronojel wan, y xtinyaʼ rqʼij ri abʼiʼ xtbʼä qʼij xtbʼä säq, 15 Ye kʼa rït Jehová, rït yït jun Dios ri napoqonaj qawäch, ma chanin ta nkatäj ayowal, ronojel mul yeʼawajoʼ awachiʼil chqä kan naʼän ri naʼij. 17 [...] Rma rït, nimaläj Jehová, nayaʼ ntoʼik chqä nakʼuqbʼaʼ nkʼuʼx.