Salmos

103 Tyaʼöx qʼij chwä rchë nyaʼ rqʼij Jehová; ronojel ri kʼo pa wan tyaʼ rqʼij ri loqʼoläj rbʼiʼ. 2 Tyaʼöx qʼij chwä rchë nyaʼ rqʼij Jehová; majun bʼëy xtinmestaj ta ronojel ri rbʼanon ryä. 8 Jehová kan nujyowaj qawäch, ma chanin ta npë ryowal chqä ma nkʼis ta ri nimaläj ajowabʼäl rkʼë. 9 Ryä ma chaq taqïl ta nunataj pä ri qamak chqë, nixta nukʼöl qa pa ran jontir riʼ. 10 Ma itzel ta rnaʼoj rbʼanon qkʼë tapeʼ kʼo qamak chwäch nixta ryaʼon pä ri kʼayewal chqij ri taqäl chqij nqakʼül rma ri qamak. 11 Rma, achiʼel rkojöl ri kaj rkʼë ri ilew ri kowan nüm, kan ke riʼ chqä rajowabʼäl ri majun bʼëy nkʼis ta ri nunaʼ chkij ri ma nkiqasaj ta rqʼij. 12 Kan achiʼel rkojöl ri akuchï ntel wä pä ri Qʼij kʼa akuchï nqä wä qa ri Qʼij, kan ke riʼ chqä rkojöl ryaʼon wä qamak chqë röj. 13 Achiʼel jun tataʼaj nujyowaj kiwäch ri ralkʼwal, ke riʼ chqä nuʼän Jehová, ryä nujyowaj kiwäch ri ma nkiqasaj ta rqʼij. 14 Ryä kan rtaman achkë qabʼanik röj ri winäq y nnatäj che rä chë xa yoj poqlaj. 17 Ye kʼa Jehová kan majun bʼëy xtkʼis ta rajowabʼäl chkij ri yenman rtzij tapeʼ xa bʼa jaruʼ jnaʼ xkeqʼax [...] 20 Tiyaʼ rqʼij Jehová, jontir rïx ri r·ángeles ryä, ri kowan iwuchqʼaʼ, ri kan niʼän ri nuʼij ryä chiwä chqä nismajij rpixaʼ.