Isaías

55 ¡Kixampä, jontir rïx ri nchaqiʼj ichiʼ y tibʼekʼamaʼ iyaʼ! Rïx ri majun ta irajil, ¡kixampä, kixloqʼon y kixwaʼ! Kixampä, tiloqʼoʼ vino y leche tapeʼ majun ta irajil, rma ma nkʼatzin ta nitöj. 2 ¿Achkë rma najin nitöj ri ma kaxlanwäy ta y achkë rma najin nikʼïs irajil chrij ri ma nunujsaj ta ipan? Tiyaʼ ixkïn chwä chqä titjaʼ ri ütz nuʼän chiwä, rchë ke riʼ xkeʼitäj ri más jaʼäl rkïl taq wäy. 3 Tiyaʼ ixkïn y kixampä wkʼë rïn. Tikʼoxaj ntzij, rchë ke riʼ xkixkʼaseʼ. [...] 6 Tikanuj Jehová loman k’a niwïl na. Tiskʼij loman kʼa naqaj na kʼo wä. 7 Ri itzel winäq tyaʼ qa ri bʼey rkʼwan chqä tresaj pa rjolon ri ma ütz ta yerchʼöbʼ; ttzolin rkʼë Jehová, ri kan xtpoqonaj rwäch, ttzolin rkʼë ri qaDios, rma ryä kan ma xtkʼewaj ta xtküy rmak. 8 Rma ya reʼ nuʼij Jehová: «Ri nchʼobʼonik rïn ma jnan ta rkʼë ri ichʼobʼonik rïx, y ri nbʼey rïn ma jnan ta rkʼë ri ibʼey rïx. 9 Achiʼel ri kaj ri kʼa näj kʼo wä che rä ri ilew, kan ke riʼ chqä ri nbʼey rïn, kan qʼaxnäq chwäch ri ibʼey rïx, y ri nchʼobʼonik rïn chwäch ri ichʼobʼonik rïx. 10 Rma, achiʼel ri jöbʼ chqä ri nieve ri yeqä pä chkaj y ma yejoteʼ ta chlaʼ kʼa taq nkixqʼebʼaʼ na ri ilew, kʼa taq nkiʼän na chë yekʼïy pä ri tkoʼn chwäch chqä nkiʼän chë yejeʼ más ijaʼtz ri ütz nutïk jun ajtkoʼn y nuyaʼ kiway ri ye kʼo chwäch le Rwachʼlew, 11 ke riʼ xtuʼän ri tzij ri yeʼel pa nchiʼ. Ma chaq ke riʼ ta xttzolin pä wkʼë, xa kan xtuʼän ronojel ri nrayij rïn, y kan xttzʼaqät ronojel ri xintäq rbʼixik. 13 Pa rkʼexel kʼix, xkekʼïy pä cheʼ achiʼel kʼisis. Pa rkʼexel ortigas, xkekʼïy pä mirtos. Ya reʼ xtuʼän chë ri winäq xtkitamaj rwäch Jehová y xtbʼeʼok jun retal ri majun bʼey xtkʼis ta».