Éxodo

4 Rma riʼ, Moisés xuʼän kaʼiʼ tzʼalän abʼäj kan achiʼel ri xeruʼän pa naʼäy. Chkaʼn qʼij, kan nmaqʼaʼ yän xkatäj y xjoteʼ pa rwiʼ ri jyuʼ Sinaí, achiʼel xuʼij Jehová che rä. Ryä rkʼwan wä ri kaʼiʼ tzʼalän abʼäj pa rqʼaʼ. 5 Chrij riʼ, Jehová xqä pä pa sutzʼ y xbʼejeʼ chriʼ naqaj che rä Moisés, y Jehová xqʼalajsaj rbʼiʼ chwäch. 6 Jehová xqʼax äl chwäch Moisés chqä xuʼij ya reʼ che rä: «Rïn yïn Jehová, rïn yïn Jehová, jun Dios ri kan npoqonaj kiwäch ri winäq, ma chanin ta nkatäj nyowal, kowan yijowan, kantzij yitzjon, 7 kan pa mil winäq nkʼüt chkiwäch chë ronojel mul xkenwajoʼ, nküy kimak ri winäq, ye kʼa ma yentoʼ ta ri winäq rchë ma ta nkïl kʼayewal rma ri mak xkiʼän, chqä nbʼän chë rtojik kimak ri teʼej tataʼaj nqä pa kiwiʼ kalkʼwal, pa kiwiʼ kimam chqä pa kiwiʼ rxkïn kïy kimam». 14 Majun rma yaxkeʼ chkiwäch ri nkʼaj chik tyox, rma Jehová kan tamatäl rwäch chë xa xuʼ ryä nrajoʼ nyaʼöx rqʼij. Jaʼ, ryä jun Dios ri xa xuʼ ryä nrajoʼ nyaʼöx rqʼij. 24 Rma rïn xkenwesaj äl ri tinamït chawäch chqä xtinnimirsaj ajyuʼ. Majun ta jun xtrajoʼ xtmäj qa ajyuʼ taq xkajoteʼ oxiʼ mul chpan jun jnaʼ rchë nabʼetzʼetaʼ rwäch Jehová ri aDios.