Salmos

4 Rma ri rtzij Jehová kan ye jïk y jontir ri nuʼän kan ütz nakʼuqbʼaʼ akʼuʼx chrij. 5 Ryä kan nqä chwäch chë pa rbʼeyal chqä pa rchojmil nbʼan che rä ronojel. Le Rwachʼlew nujnäq rkʼë ri utziläj rajowabʼäl Jehová. 6 Rma yë Jehová xbʼin, xbʼan ri kaj, y rma respíritu, xebʼan jontir ri kʼo chwäch. 9 Rma ryä xtzjon, y xbʼejeʼ jontir ri kʼo; ryä xuʼij achkë kʼo chë nbʼan, y jontir xekanaj qa pa kikʼojlibʼäl. 10 Jehová rbʼanon chë ri itzel nkajoʼ nkiʼän ri winäq ma ütz ta ntel chkiwäch; y ri kiquʼun nkiʼän, ryä rbʼanon chë ma ntel ta apü chkiwäch. 12 ¡Kiʼ rkʼuʼx ri tinamït ri yë Jehová rDios, ri tinamït ri chaʼon rmä ryä rchë ntok rtinamit! 18 ¡Tiquʼ reʼ! Jehová kan ryaʼon rwäch chkij ri ma nkiqasaj ta rqʼij, chkij ri nkiyoʼej rajowabʼäl ri majun bʼëy nkʼis ta, 19 rchë yerköl chwäch ri kamïk chqä rchë ma yekäm ta taq kʼo wayjal. 20 Röj yë Jehová qayoʼen. Yë ryä ri ntoʼö qchë chqä yë ryä ri qescudo. 21 Yë ryä ri nbʼanö chë kiʼ qakʼuʼx, rma qakʼuqbʼan qakʼuʼx chrij ri loqʼoläj rbʼiʼ. 22 Nimaläj Jehová, tabʼanaʼ chë ri awajowabʼäl ri majun bʼëy nkʼis ta njeʼ pa qawiʼ röj loman yatqayoʼej.