Números

2 Jontir ri israelitas ma kiʼ ta wä chik kikʼuʼx rkʼë Moisés chqä Aarón, y kan itzel xetzjon chkij ryeʼ. Ryeʼ xkiʼij: «¡Más ütz xa ta xqkäm qa pan Egipto! ¡Más ütz xa ta xqkäm qa pa tzʼiran ilew! 8 We Jehová kiʼ rkʼuʼx qkʼë, ryä xtqrkʼwaj chwäch ri ilew riʼ y xtyaʼ ri ilew riʼ chqë, jun ilew ri akuchï kowan leche chqä ryiʼal kabʼ kʼo. 10 Ye kʼa jontir ri israelitas nkajoʼ wä yekikamsaj chë abʼäj. Ya riʼ taq rchqʼaʼ Jehová xqʼalajin chkiwäch jontir ri israelitas pa rwiʼ ri jay akuchï nkimöl wä kiʼ. 11 Jehová xuʼij kʼa reʼ che rä Moisés: «¿Kʼa ajän xtkiyaʼ nqʼij re winäq reʼ? Tapeʼ rïn yenbʼanon milagros kikʼë, ¿kʼa ajän xtkikʼuqbʼaʼ kikʼuʼx chwij? 24 Ye kʼa rma Caleb, ri nsamajel, ma ke riʼ ta rnaʼoj xuʼän wkʼë chqä kan rkʼë ronojel ran xnmaj ntzij, rïn xtinkʼwaj chwäch ri ilew ri xbʼertzʼetaʼ chqä xtinbʼän chë rjatzul xkeʼok kajaw ri ilew riʼ. 33 Y ri iwalkʼwal 40 jnaʼ xkeʼok ajyuqʼ chwäch ri tzʼiran ilew chqä kʼo chë xtkitöj na ri xiʼän rïx taq xiyaʼ kiqʼij nkʼaj chik dioses. Xtbʼanatäj riʼ kʼa taq xtkäm ri rkʼisbʼäl chiwä rïx chwäch re tzʼiran ilew reʼ.