Joel

7 Ryeʼ yechʼeyon chqä yejoteʼ pa kiwiʼ mamaʼ taq tzʼaq achiʼel nkiʼän ri soldados, jontir kan kibʼey kikʼwan y majun ta jun nuchʼär äl rbʼey. 8 Ma nkinüm ta kiʼ chkiwäch; chkijujnal ri winäq riʼ kan kibʼey kikʼwan. We kʼo yeqä pa ilew rma yesokotäj, ri nkʼaj chik ma nkitaluj ta äl kiʼ. 9 Yeʼok apü chwäch ri tinamït, nkikʼäq anin pa kiwiʼ ri tzʼaq. Yejoteʼ pa kiwiʼ ri jay, yeʼok apü pa taq ventanas achiʼel nuʼän jun aleqʼon. 13 Kan rkʼë ronojel iwan titzolij iwiʼ y ma xa xuʼ ta tiretzaʼ itzyaq, y kixtzolin rkʼë Jehová ri iDios, rma ryä kan ütz rnaʼoj chqä nupoqonaj iwäch, ma chanin ta nkatäj ryowal y kan kowan najowan; we xtiʼän riʼ, ryä xtquʼ na we xttäq kʼayewal chiwij o manä. 20 Ri petenäq pa norte xtinkʼwaj äl näj chiwä rïx. [...] 25 Xtintzolij ri jnaʼ chiwä ri xtej itkoʼn rma ri xiʼl ri kʼo rxikʼ, ri xiʼl ri majun ta rxikʼ, ri xiʼl ri janina nwaʼ chqä ri xiʼl ri majun bʼëy nnuj ta, ri molaj xiʼl ri xintäq chiwij rïx. 28 Chrij riʼ xtinyaʼ pä wchqʼaʼ pa kiwiʼ xa bʼa achkë kiwäch winäq. Ri iwalkʼwal xtkiʼän rsamaj jun profeta, ri kʼo chik kijnaʼ xkekiʼän achïkʼ y ri qʼopojiʼ kʼojolaʼ xkekitzʼët visiones. 29 Chkipan ri qʼij riʼ, yajün ri nsamajelaʼ ri yenloqʼon xtinyaʼ pä wchqʼaʼ pa kiwiʼ.