Salmos

5 Ryä kan achiʼel ta ryaʼon qa le Rwachʼlew pa rwiʼ rxeʼel; majun bʼëy xtslöx ta pa rkʼojlibʼäl. 12 Ri ajxikʼ taq chköp yeqä pä pa kiwiʼ chqä yebʼixan pa kʼechelaj. 13 Ryä kan chlaʼ chkaj yeryiʼaj pä ri jyuʼ. Le Rwachʼlew kan jaʼäl nunaʼ rkʼë ri yerbʼanon qa. 14 Ryä nuʼän chë yekʼïy pä qʼayis rchë nkitäj ri wakx chqä ichaj rchë ntok kiway ri winäq, rchë chë chwäch le Rwachʼlew ye kʼïy pä tkoʼn: 15 vino ri nuʼän chë ri winäq kiʼ kikʼuʼx nkiʼän, aceite ri nuʼän chë jaʼäl yetzuʼun chqä rkïl wäy ri nuʼän chë kan jaʼäl nunaʼ kan. 24 ¡Kan kʼïy ri ye abʼanon qa rït, nimaläj Jehová! Kan rkʼë anaʼoj xeʼaʼän ronojel ri ye kʼo. Le Rwachʼlew nujnäq rkʼë ri ye abʼanon qa. 25 Chriʼ kʼo wä ri mar, ri kan mamaʼ raqän chqä mamaʼ rwäch; y kan kʼïy ri kʼo kikʼaslemal ye kʼo chpan, ri ye koköj chqä ri ye nmaʼq. 27 Jontir ryeʼ nkiyoʼej chë rït kan pa rqʼijul nayaʼ kiway. 28 Ryeʼ nkimöl ri nayaʼ chkë. Taq rït najäq aqʼaʼ, ryeʼ kan nnuj kipan rkʼë ri ütz ri nayaʼ chkë. 31 Ri rchqʼaʼ Jehová majun bʼëy xtkʼis ta. Jehová xtnaʼ kiʼkʼuxlal rma ronojel ri rbʼanon qa.