Isaías

8 Taq rïn xkatäj nyowal chawij, kʼo jun tiempo xinyaʼ qa wij chawäch, ye kʼa kan xtinpoqonaj awäch rma kowan yatinwajoʼ chqä majun bʼëy xtinyaʼ ta qa rbʼanik riʼ», ke riʼ nuʼij Jehová, ri xtbʼanö chë xkatzolin chik jmul rkʼë. 10 Tapeʼ ri mamaʼ taq jyuʼ nkijäl kikʼojlibʼäl chqä ri jyuʼ yeslöx, rïn ronojel mul xtinkʼüt chawäch ri wajowabʼäl ri majun bʼëy nkʼis ta [...] 13 Y jontir ri awalkʼwal xketjöx rma Jehová chqä kan ma xtkʼis ta ri uxlanen pa kan. 14 Rma chkipan ri qʼij riʼ kan pa rbʼeyal xtbʼan che rä jontir chqä ma xtatäj ta chik poqän. Majun ta achoq chwäch xtaxiʼij wä awiʼ y majun rma xtanaʼ riʼ, rma majun ta achkë xtbʼanö chë xtaxiʼij awiʼ. 17 Xa bʼa achkë xtkiksaj chawij, majun xtkʼatzin wä, y xkachʼakon chrij xa bʼa achkë winäq ri kʼo xtqʼabʼaj chawij. Ya riʼ nbʼän rïn, Jehová, pa kiwiʼ nsamajelaʼ, rma chi nwäch rïn, ryeʼ kikʼwan jun jïk kʼaslemal», ya riʼ nuʼij Jehová.