Eclesiastés

2 Más ütz yabʼä pa jun jay akuchï najin yeʼoqʼ rma xkäm jun kichʼalal chwäch yabʼä pa jun jay akuchï kʼo nmaqʼij, rma jontir ri winäq xa yekäm, y ri kʼa ye kʼäs na nkʼatzin nkiquʼ rij riʼ. 8 [...] Más ütz jun winäq ri kʼo kochʼonïk rkʼë chwäch jun winäq ri janina nnimirsaj riʼ. 9 Ma chanin ta tmeqʼeʼ awkʼë, rma ri winäq ri chanin npë ryowal xa majun ta rnaʼoj. 10 Ma taʼij ta: «¿Achkë rma ri xbʼanatäj pa nkʼaslemal ojer más ütz chwäch ri najin nbʼanatäj wkʼë komä?». Ri nakʼutuj qa reʼ chawäch nukʼüt chë xa majun ta anaʼoj. 12 Ri njeʼ anaʼoj kan jnan jbʼaʼ rkʼë ri njeʼ arajil, rma che kaʼiʼ riʼ kan yatkitoʼ. Ye kʼa ri etamabʼäl kan más utzil nuyaʼ qa pan awiʼ, rma ri njeʼ anaʼoj kan nuʼän chë ma nawïl ta kamïk. 16 Ma taquʼ ta chë rït kan más jïk akʼaslemal chkiwäch ri nkʼaj chik o chë kan qʼaxnäq rwiʼ anaʼoj kʼo. ¿Achkë rma nakanuj qa kʼayewal chawij? 17 Ma tqʼax ta rwiʼ ri itzelal naʼän chqä ma takʼüt ta chë xa majun ta anaʼoj. ¿Achkë rma nakanuj yän akamik? 18 Más ütz tabʼanaʼ jun chkë ri xbʼix chawä ye kʼa ma tamestaj ta naʼän ri jun chik, rma ri winäq ri nuxiʼij riʼ chwäch Dios kan che kaʼiʼ xkersmajij. 20 Rma majun ta jun winäq chwäch le Rwachʼlew ri jïk rkʼaslemal ri ma ta jun bʼëy xtmakun.