Proverbios

3 Kan rkʼë anaʼoj nayäk wä jun jay y rma ataman achkë riʼ ri ütz chqä ri ma ütz ta, ri jay riʼ ma ntzaq ta. 6 Kan taquʼ na rij achkë rbʼanik xtaʼän jun chʼaʼoj; taq ye kʼïy ajnaʼoj winäq yatkitoʼ kan xkachʼakon chpan ri chʼaʼoj riʼ. 7 Ri naʼoj ri kantzij yaturtoʼ ma xtawïl ta rkʼë ri winäq ri majun ta rnaʼoj; ryä majun nkanüy ta nuʼij taq kʼo chuchiʼ ri tinamït. 10 We xa xkabʼison taq xtaqʼaxaj jun kʼayewal, ri awchqʼaʼ xa xtkʼis. 15 Ma tayoʼej ta jun winäq ri jïk rkʼaslemal chunaqaj rachoch xa xuʼ rchë naʼän jun itzelal che rä, ma tatzʼlaʼ ta rachoch ri akuchï nuxlan wä. 16 Rma, tapeʼ ri winäq ri jïk rkʼaslemal xttzaq 7 mul, xtkowin xtkatäj chik äl, ye kʼa ri itzel winäq xttzaq rma ri kʼayewal xtkʼulwachij. 17 Taq xttzaq ri winäq ri itzel nunaʼ chawä, ma katzeʼen ta chrij, y taq kʼo akuchï xtsach wä, ma ttel ta akʼuʼx;