1 Tesalonicenses

2 rma rïx kan itaman chë ri rqʼij Jehová xtbʼeqä kan achiʼel nuʼän jun aleqʼon chaqʼaʼ. 3 Taq ri winäq xtkiʼij «¡Kʼo uxlanen chqä ronojel ütz rbʼanon!», ya riʼ taq chaq kʼateʼ xtchup kiwäch, kan achiʼel ri tiʼowen ri chaq kʼateʼ npë chrij jun ixöq taq petenäq alanïk chrij, y ma xkekolotäj ta chwäch. 4 Ye kʼa, rïx qachʼalal, ma pa qʼequʼn ta yïx kʼo wä rchë ma xtinaʼej ta taq xtapon ri qʼij riʼ pan awiʼ, kan achiʼel nbʼanatäj kikʼë ri alqʼomaʼ ri ma nkinaʼej ta ajän xtkiyaʼ kiʼ, 6 Rma riʼ, ma tqaʼän ta röj achiʼel nkiʼän ri nkʼaj chik winäq, ri achiʼel ta xa ye warnäq, xa qkʼaseʼ apü chqä tqachʼobʼoʼ na ronojel ri yeqaʼän. 7 Ri winäq ri yewär nkiʼän riʼ chaqʼaʼ, y ri yetjö yaʼ yeqʼabʼär chaqʼaʼ. 8 Ye kʼa röj, ri yoj petenäq rkʼë ri saqïl, kan tqachʼobʼoʼ na ronojel ri yeqaʼän. Tqakʼuqbʼaʼ qakʼuʼx chrij Dios chqä qjowan kan achiʼel ta nqaksaj jun tzyäq ri bʼanon rkʼë chʼichʼ. Tqayoʼej apü ri kolotajïk rtzjun Dios kan achiʼel ta nqaksaj jun casco. 11 Rma kʼa riʼ, tikʼuqbʼalaʼ ikʼuʼx chqä titolaʼ iwiʼ chiwäch, achiʼel wä ibʼanon pä. 12 Qachʼalal, komä nqajoʼ nqakʼutuj utzil chiwä chë tiyaʼ kiqʼij qachʼalal ri ye kʼo chikojöl rïx ri kan kʼïy samaj nkiʼän, nkikʼwaj bʼey chiwäch chubʼanik rsamaj Qajaw chqä nkiyaʼ ütz taq naʼoj chiwä. 13 Tikʼutuʼ chë kan yeʼiloqʼoqʼej ri qachʼalal riʼ chqä kan ütz inaʼoj tibʼanaʼ kikʼë rma ri samaj nkiʼän. Chqä ma tiʼän ta chʼaʼoj kikʼë ri nkʼaj chik. 14 Chqä nqaʼij reʼ chiwä qachʼalal: keʼiqʼlaʼ ri ma pa rbʼeyal ta nkiʼän, tikʼuqbʼaʼ kikʼuʼx ri qachʼalal ri kʼo jun nimaläj bʼis pa kan, keʼitoʼ ri majun chik kichqʼaʼ ta, tikochʼolaʼ iwiʼ chiwäch. 17 Chaq taqïl kixchʼö rkʼë Dios. 18 Kixtyoxin rma ronojel. Ya riʼ ri rraybʼal Dios chiwä rïx rma Cristo Jesús. 19 Ma tiqʼät ta rsamaj ri loqʼoläj rchqʼaʼ Dios. 21 Titzʼetaʼ na we kantzij jontir ri nbʼix y ronojel mul tibʼanaʼ ri ütz. 23 [...] Dios ri nyaʼö uxlanen [...]