Proverbios

21 Ri ran jun qʼatöy tzij ntok achiʼel ta jun raqän yaʼ pa rqʼaʼ Jehová. Ryä nbʼanö chë nbʼä akuchï nrajoʼ wä ryä. 5 Kantzij na wä chë ri ajsamajel winäq ri nuchʼöbʼ na achkë nuʼän, ronojel ütz xttel apü chwäch, ye kʼa ri ma nkichʼöbʼ ta ri nkiʼän xa pa mebʼaʼïl xkeʼapon wä. 13 Ri winäq ri nutzʼapij rxkïn taq nuräq rchiʼ jun ri nkʼatzin rtoʼik majun xttoʼö rchë taq ryä xtkʼutuj rtoʼik. 21 Ri winäq ri nutäj rqʼij rchë kan pa rbʼeyal nuʼän che rä ronojel chqä nukʼüt ri ajowabʼäl ri majun bʼëy nkʼis ta xtrïl kʼaslemal, pa rbʼeyal xtbʼan rkʼë chqä xtyaʼöx rqʼij. 30 Xa bʼa achkë naʼoj o pixaʼ nuyaʼ jun winäq rchë nuqasaj rqʼij Jehová kan majun xtkʼatzin wä.