2 Corintios

8 Qachʼalal, nqajoʼ chë nitamaj chrij ri joyowanïk xkʼüt Dios chkiwäch ri congregaciones ri ye kʼo Macedonia. 2 Taq najin wä nkitäj poqän rma ri kʼayewal ri najin wä nkiqʼaxaj, ryeʼ kan kiʼ kikʼuʼx xkiyaʼ ri kʼo kikʼë tapeʼ ye kʼo wä pa mebʼaʼïl. Rkʼë ya reʼ xtzʼetetäj wä chë ryeʼ kan nqä chkiwäch yespan. 3 Rma riʼ, rïn yikowin nbʼij chë ryeʼ xkiyaʼ jontir ri xekowin, y kʼo mul xkiyaʼ más chwäch ri yekowin wä nkiyaʼ. 4 Chqä kan yë ryeʼ xekʼutun chqë chë tqayaʼ qʼij chkë rchë yetoʼon rkʼë jontir ri najin nbʼan rchë yetoʼöx ri ralkʼwal Dios. 12 Rma, we pan iwan naläx wä niyaʼ riʼ, ri xtiyaʼ kan ütz xttzʼetetäj rma Dios, rma xtiyaʼ ri kʼo iwkʼë y ma yë ta ri majun ta kʼo iwkʼë. 21 Rma ‹nqatäj qaqʼij rchë ma nqatzʼük ta tzij rkʼë jontir ri yeqaʼän, ma xa xuʼ ta chwäch Jehová xa kan chkiwäch ri winäq chqä›. 24 Rma riʼ, kan tikʼutuʼ chkiwäch ryeʼ chë yeʼiwajoʼ chqä tikʼutuʼ chkiwäch ri congregaciones achkë rma röj nqaʼij chkë chë kan kiʼ qakʼuʼx iwkʼë.