Marcos

7 Rma riʼ, ‹jun achï xtyaʼ qa rteʼ chqä rtataʼ, 8 y chë kaʼiʼ xkeʼok xa jun chʼakulaj›; rma ryeʼ ma ye kaʼiʼ ta chik, xa ye jun chʼakulaj chik. 9 Rma kʼa riʼ, ri rtnun qa Dios, majun ta jun achï tjachö rchë». 11 Ryä xuʼij chkë: «Xa bʼa achkë ri nuchüp rwäch rkʼlanen rkʼë ri rxjayil chqä nkʼleʼ chik rkʼë jun, najin nuʼän jun mamaʼ mak; 12 y we kʼo jmul jun ixöq, taq xchüp yän rwäch rkʼulanen rkʼë rchjil, nkʼuleʼ chik rkʼë jun, ryä najin nuʼän jun mamaʼ mak». 17 Taq bʼenäq wä pa bʼey, jun achï ri kan rkʼaqon pä anin xapon rkʼë, xxkeʼ chwäch y xuʼij reʼ che rä: «Ütz Tijonel, ¿achkë nkʼatzin nbʼän rchë nwïl ri kʼaslemal ri majun bʼëy xtkʼis ta?». 18 Jesús xuʼij reʼ che rä: «¿Achkë rma naʼij chë rïn yïn ütz? Majun ta jun ütz, xa xuʼ jun: Dios. 19 Rït ataman ri nuʼij Rpixaʼ Moisés: ma kakamsan ta, ma takanuj ta rkʼexel akʼlaj, ma kaleqʼan ta, ma tatzʼük ta tzij, ma keʼaqʼöl ta ri awinaq, ma taqasaj ta kiqʼij ri ateʼ atataʼ». 20 Re achï reʼ xuʼij: «Tijonel, kan kʼa yïn akʼal na nbʼanon pä jontir riʼ». 21 Jesús xtzʼët apü y, rma kan xrajoʼ, xuʼij reʼ che rä: «Kʼa kʼo na jun ri nkʼatzin naʼän: tabʼekʼayij jontir ri kʼo awkʼë y tayaʼ ri päq chkë ri majun kʼo kikʼë; ke riʼ xtjeʼ abʼeyomal chlaʼ chkaj. Taq xtaʼän riʼ, katzolin pä y katok ntzeqelbʼëy». 22 Ye kʼa, taq xkʼoxaj riʼ, ri achï kan xbʼison y kan ke riʼ wä rnaʼon taq xbʼä äl, rma kan kʼïy rbʼeyomal kʼo. 27 Jesús xertzuʼ chqä xuʼij reʼ chkë: «Ri winäq ma yekowin ta nkiʼän reʼ, ye kʼa chwäch Dios ma ke riʼ ta, rma Dios jontir nkowin nuʼän». 29 Jesús xuʼij reʼ chkë: «Kantzij nbʼij chiwä chë majun ta jun chiwä rïx ri xyaʼ qa rachoch, rchʼalal, rteʼ, rtataʼ, ralkʼwal o rjyuʼ xa wmä rïn chqä rma ri utziläj taq rtzjol 30 ri ma ta xtkʼül chpan re tiempo reʼ más 100 mul —rachoch, rchʼalal, rteʼ, ralkʼwal chqä rjyuʼ, tapeʼ kʼo kʼayewal xtrïl— y, chqawäch apü, xtrïl ri kʼaslemal ri majun bʼëy xtkʼis ta. 39 [...] rïx xkixqasäx pa yaʼ rkʼë ri bautismo ri najin nbʼan wkʼë rïn komä. 43 Ye k’a rïx ma ütz ta ke riʼ niʼän. Pa rkʼexel riʼ, we jun chiwä rïx nrajoʼ njeʼ más uchqʼaʼ pa rqʼaʼ, kʼo chë ntok kisamajel ri nkʼaj chik, 44 y we jun chiwä rïx nrajoʼ njeʼ más rqʼij, kʼo chë ntok kisamajel jontir. 45 Rma nixta ri Rkʼajol ri Achï xpë rchë chë ri winäq xesamäj pa rwiʼ, xa kan xpë rchë yë ryä xbʼesamäj pa kiwiʼ ri nkʼaj chik chqä rchë xbʼeryaʼ rkʼaslemal pa kamïk pa kikʼexel ye kʼïy winäq».