Levítico

2 «Katzjon kikʼë ri israelitas y taʼij chkë: ‹Kʼo chë yixok loqʼoläj rma rïn, Jehová ri iDios, yïn loqʼoläj. 3 Chijujnal rïx kʼo chë ma niqasaj ta kiqʼij ri iteʼ itataʼ, y kʼo chë ma niqasaj ta kiqʼij ri nsábados. Rïn yïn Jehová ri iDios. 11 Ma kixleqʼan ta, ma kixqʼolon ta chqä ma titzʼlaʼ ta jun winäq ri jnan rbʼanon iwäch rkʼë. 12 Ma titzʼük ta tzij taq nijkibʼaʼ itzij pa nbʼiʼ rïn, rma xa xtitzʼilbʼisaj rbʼiʼ ri iDios. Rïn yïn Jehová. 13 Ma keʼaqʼöl ta ri awinaq chqä ma kaleqʼan ta. Ma tayaʼ ta kʼa chkaʼn qʼij rajäl rqʼij jun winäq ri xayaʼ rsamaj. 14 Ma tatäq ta itzel chrij jun tokän chqä ma taqʼät ta rbʼey jun moy, y ma taqasaj ta rqʼij aDios. Rïn yïn Jehová. 15 Pa rbʼeyal kaqʼatö tzij. Ma tatzʼlaʼ ta jun winäq xa rma majun achkë kʼo rkʼë nixta tatoʼ rwiʼ jun winäq xa rma kʼo rrajil. Pa rchojmil kaqʼatö tzij pa kiwiʼ ri awinaq. 16 Ma kabʼä ta chkikojöl ri awinaq rchë natzʼük tzij chkij ri nkʼaj chik. Ma taʼän ta jun ri xa nuʼän chë nkamsäx jun awinaq. Rïn yïn Jehová. 17 Ma itzel ta tnaʼ awan che rä jun awachʼalal. Taqʼlaʼ (kachapon che rä) ri winäq ri nkʼatzin nqʼil rchë ma yatok ta rchiʼil chubʼanik jun mak. 18 Ma tatzolij ta rkʼexel jun itzelal xbʼan chawä chqä ma takʼöl ta qa itzel pan awan chkij ri awinaq, y keʼawajoʼ ri winäq achiʼel nawajoʼ qa awiʼ rït. Rïn yïn Jehová. 19 [...] chqä ma tiksaj ta jun tzyäq ri xolon rkʼë kaʼiʼ rwäch chij. 31 Ma kixbʼä ta kikʼë ri yetzjon kikʼë ri itzel taq espíritus nixta kikʼë ri nkiʼij achkë xtbʼanatäj chqawäch apü, rma xa ya riʼ xtbʼanö chë ma xkixok ta chik chʼajchʼöj chi nwäch. Rïn yïn Jehová, ri iDios. 32 Kakatäj chwäch jun riʼj winäq chqä tayaʼ kiqʼij ri kʼo chik kijnaʼ. Ma taqasaj rqʼij ri aDios. Rïn yïn Jehová. 34 Titzʼetaʼ ri winäq riʼ kan achiʼel ta jun chkë ri iwinaq rïx chqä tiwajoʼ kan achiʼel niwajowalaʼ iwiʼ rïx, rma rïx chqä xa ke riʼ xiʼän taq xixjeʼ pan Egipto. Rïn yïn Jehová ri iDios. 35 Ma keʼiqʼöl ta ri winäq taq yixwetan, taq yixpajon o kikʼë ri kʼojlibʼäl yeʼiksaj. 36 Keʼiksaj tzʼaqät taq balanzas, tzʼaqät taq pesas chqä kʼojlibʼäl ri tzʼaqät kipan. Rïn yïn Jehová ri iDios, ri xixesan pä chpan ri tinamït Egipto.