1 Pedro

6 Rma riʼ rïx kowan lenäq ikʼuʼx, tapeʼ kʼo chë xtchʼpü ikʼuʼx jun tiempo rma xtiqʼaxaj jalajöj kʼayewal, 7 rma ri ikʼuqbʼäl kʼuʼx ri ikʼutun chik chë kan kuw —ri más rqʼij chwäch ri oro, ri xa nchaʼ chiʼ tapeʼ xqʼaxäx yän pa qʼaqʼ— xtuʼän chë xtyaʼöx rqʼij Dios taq Jesucristo xtkʼüt pä chik jmul riʼ. 8 Tapeʼ rïx majun bʼëy xitzʼët ta, niwajoʼ. Y, tapeʼ komä chqä ma nitzʼët ta, ikʼuqbʼan ikʼuʼx chrij chqä ma yixkowin ta niqʼalajsaj ri najin ninaʼ rma kan kowan kiʼ ikʼuʼx, 9 rma ya xtyaʼöx chiwä ri iyoʼen rma ikʼuqbʼan ikʼuʼx chrij, ntel chë tzij, xkixkolotäj. 14 Rma rïx yïx achiʼel akʼalaʼ ri yenman tzij, ma tiyaʼ ta qʼij chë ri itzel taq raynïk yesmajin ikʼaslemal, achiʼel wä xbʼanatäj iwkʼë taq majun wä itaman ta chrij Dios. 15 pa rkʼexel riʼ, kan achiʼel ri Loqʼoläj ri xixchaʼö, rïx chqä kixok loqʼoläj rkʼë jontir ri bʼanobʼäl yeʼiʼän, 16 rma kan tzʼibʼatäl qa: «Kʼo chë yixok loqʼoläj rma rïn kan yïn loqʼoläj». 18 Rma rïx itaman chë ma kikʼë ta ri xa yechaʼ chiʼ, achiʼel plata u oro, xixkol wä rchë xiyaʼ qa rbʼanik kʼaslemal ri xkikʼüt qa iwatiʼt imamaʼ chiwäch ri majun ütz ta nukʼäm pä pan iwiʼ, 19 rma kan rkʼë rkikʼel Cristo xixkol wä. Rkikʼel ryä kan kʼo rqʼij, achiʼel rkikʼel jun aläj karneʼl ri majun ta ryabʼil. 22 Rma rïx komä ya iyaʼon qa chik ri tzʼil taq ibʼanobʼal rma xinmaj ri nuʼij chpan rchʼaʼäl Dios y rma riʼ komä niwajoʼ iwiʼ achiʼel nkajoʼ kiʼ kaʼiʼ ri kan kichʼalal kiʼ, kan rkʼë ronojel iwan tiwajowalaʼ iwiʼ chiwäch.