1 Timoteo

5 Ma kachapon ta che rä jun achï ri kʼo chik rjnaʼ. Pa rkʼexel riʼ, taq xtayaʼ rnaʼoj, katzjon rkʼë kan achiʼel ta najin yatzjon rkʼë atataʼ; kikʼë ri kʼojolaʼ, kan achiʼel ta kikʼë awachʼalal; 2 kikʼë ri ixoqiʼ ri kʼo chik kijnaʼ, kan achiʼel ta rkʼë ateʼ, y kikʼë ri qʼopojiʼ, kan achiʼel ta kikʼë awanaʼ. Taq xtaʼän riʼ, ma taqasaj ta kiqʼij. 4 Ye kʼa, we jun malkaʼn ye kʼo ral o rmam, ryeʼ naʼäy nkʼatzin nkitamaj nkiʼän ri nrajoʼ Dios pa kifamilia chqä nkiyaʼ chkë kiteʼ kitat chqä katiʼt kimamaʼ ri taqäl chkij, rma ya reʼ kan nqä chwäch Dios. 8 We jun winäq ma nuyaʼ ta ri nkʼatzin che rä rfamilia, y más ri kan ye kʼo pa rachoch, xa xtzelaj ri rkʼuqbʼäl kʼuʼx; ri winäq riʼ más itzel chwäch ri winäq ri majun ta rkʼuqbʼäl kʼuʼx. 20 Taqʼlaʼ chkiwäch jontir ri qachʼalal jun ri xa najin nmakun, ke riʼ ri nkʼaj chik ma xtkitzeqelbʼej ta rij. 21 Kan chwäch Dios, chwäch Cristo Jesús chqä chkiwäch ri ángeles ri yechaʼon, nwajoʼ nbʼij chawä chë tabʼanaʼ jontir ri xinbʼij chawä, ye kʼa kan kikʼë jontir tabʼanaʼ wä ya reʼ y ma xa xuʼ ta kikʼë jojun.