Gálatas

2 Rïn xijoteʼ chlaʼ rma xintzʼët jun visión, y xintzjoj chkë qachʼalal ri ütz taq rtzjol ri najin ntzjoj chkë ri winäq ri ma ye judíos ta. Ye kʼa xinbʼän riʼ chkiwäch ri achiʼaʼ ri kan kʼo kiqʼij, rchë xintamaj we kan kʼo nkʼatzin wä ri najin nbʼän o ri nbʼanon qa chik. 10 Xa xuʼ xkiʼij chqë chë ma keqamestaj ta ri majun ta kirajil, y rïn najin ntäj nqʼij rchë nbʼän ri xkiʼij ryeʼ chqë. 12 Rma, taq majanä wä kepë ri achiʼaʼ ri xertäq pä Santiago, ryä rkʼulun wä che rä nwaʼ kikʼë ri ma ye judíos ta, ye kʼa taq xekʼlun ri achiʼaʼ riʼ, ryä xyaʼ qa rbʼanik riʼ chqä xjäch riʼ kikʼë rma nuxiʼij wä riʼ chkiwäch ri judíos. 15 Röj, ri yoj judíos pa qalaxik, y ma yoj ta ajmakiʼ achiʼel ri winäq ri ma ye qawinaq ta, 16 nqʼax chqawäch chë jun winäq ma nbʼix ta chë rkʼwan jun jïk kʼaslemal xa rma nusmajij ri pixaʼ, xa kan nbʼix riʼ chrij rma nukʼuqbʼaʼ rkʼuʼx chrij Jesucristo. Rma riʼ kan qakʼuqbʼan qakʼuʼx chrij Cristo Jesús: rchë nbʼix chqij chë qakʼwan jun jïk kʼaslemal rma nqakʼuqbʼaʼ qakʼuʼx chrij Cristo, y ma rma ta nqasmajij ri nuʼij ri pixaʼ. Rma majun ta jun winäq ri xtbʼix chrij chë rkʼwan jun jïk kʼaslemal xa rma nusmajij ri pixaʼ. 19 Rma riʼ, rma ri pixaʼ, rïn achiʼel ta yïn kamnäq chik chuxeʼ ri pixaʼ; ya riʼ nuʼän chë yikʼaseʼ rchë nbʼän ri nrajoʼ Dios. 20 Rïn achiʼel ta yïn bʼajin chwäch jun cheʼ rkʼë ri Cristo. Ma yïn ta chik rïn ri yïn kʼäs; xa yë ri Cristo ri kʼäs wkʼë rïn. Rma riʼ, ri kʼaslemal pa chʼakulaj reʼ ri nkʼwan komä najin nkʼwaj rma ri nkʼuqbʼäl kʼuʼx chrij ri Rkʼajol Dios, ri janina xirajoʼ chqä xyaʼ rkʼaslemal pa kamïk xa wmä rïn.