Ageo

3 ‹¿Kʼo jun chikojöl rïx ri xtzʼët re templo reʼ taq kʼa jaʼäl na rbʼanon? ¿Achkë nitzʼët che rä komä? Chöj majun ta rqʼij chwäch rbʼanon qa, ¿tapeʼ?›. 4 ‹Ye kʼa komä ma taxiʼij ta awiʼ rït Zorobabel —ya riʼ nuʼij Jehová—, chqä ma taxiʼij ta awiʼ rït Josué, ri sumo sacerdote, ri rkʼajol Jehozadac›. ‹Y jontir rïx ri yïx kʼo chwäch re ilew reʼ, ma tixiʼij ta iwiʼ —ya riʼ nuʼij Jehová— chqä kixsamäj›. ‹Rma rïn yïn kʼo iwkʼë rïx —ya riʼ nuʼij Jehová ri ukʼwayon bʼey chkiwäch ri ángeles—. 5 Tnatäj chiwä ri xinbʼij chiwä taq xixel pä chpan ri tinamït Egipto; ri wchqʼaʼ kʼa kʼo na chikojöl rïx. Ma tixiʼij ta iwiʼ›». 6 «Ya reʼ nuʼij Jehová, ri ukʼwayon bʼey chkiwäch ri ángeles: ‹Jmul chik —xa jbʼaʼ chik apü— xtinsloj ri kaj chqä le Rwachʼlew, ri mar chqä ri chaqiʼj ilew›. 7 ‹Xkensloj jontir ri tinamït, y jontir ri kan kʼo kiqʼij ri ye kʼo chkipan ri tinamït xkeʼok chpan re jay reʼ y rïn xtinnujsaj re jay reʼ rkʼë ri nimaläj wchqʼaʼ›, nuʼij Jehová, ri ukʼwayon bʼey chkiwäch ri ángeles. 8 ‹Ri plata wchë rïn y ri oro wchë rïn›, nuʼij Jehová, ri ukʼwayon bʼey chkiwäch ri ángeles. 9 ‹Ri rejqalen re jay reʼ kan más nüm xtuʼän chwäch ri rbʼanon qa›, nuʼij Jehová, ri ukʼwayon bʼey chkiwäch ri ángeles. ‹Y chwäch re tinamït reʼ xtinbʼän chë majun ta chʼaʼoj xtjeʼ›, nuʼij Jehová, ri ukʼwayon bʼey chkiwäch ri ángeles».