Salmos

4 Rma rït ma yït ta jun Dios ri nqä chwäch ri itzelal; majun ta jun itzel winäq xtjeʼ awkʼë. 5 Ma xtayaʼ ta qʼij chë ri winäq ri nunimirsaj riʼ xtjeʼ awkʼë. Rït kan itzel yeʼatzʼët jontir ri yebʼanö ri itzelal 6 chqä xtachüp kiwäch ri yetzʼukü tzij. Jehová kan itzel yertzʼët ri winäq ri yebʼanö chʼaʼoj chqä ri yeqʼolon. 7 Ye kʼa rïn, rma ri awajowabʼäl ri majun bʼëy nkʼis ta, xkinok chpan awachoch; rma ma nwajoʼ ta nqasaj aqʼij, rïn xkixkeʼ chqä xkitzuʼun äl akuchï kʼo wä ri loqʼoläj atemplo. 9 Rma ma ütz ta nakʼuqbʼaʼ akʼuʼx chrij ri nkiʼij ryeʼ; xa xuʼ itzelal kʼo pa kan. Ri kiqül achiʼel jun jül ri ma tzʼapin ta rchiʼ. Ryeʼ yekiʼij jaʼäl taq tzij xa xuʼ rchë ri nkʼaj chik jaʼäl nkinaʼ. 11 Ye kʼa jontir ri nkitoʼ kiʼ awkʼë kan kiʼ kikʼuʼx xtkiʼän; kan ronojel mul xtkiräq kichiʼ rma ri kiʼkʼuxlal xtkinaʼ. Rït xkeʼachajij, y ri nkajoʼ ri abʼiʼ kan kiʼ kikʼuʼx xtkiʼän awmä rït. 12 Rma rït kan xtayaʼ utzil pa kiwiʼ ri chöj kikʼaslemal, nimaläj Jehová; kan kiʼ akʼuʼx xtaʼän kikʼë, y ya riʼ xketoʼö kan achiʼel nuʼän jun nüm escudo.