Eclesiastés

4 Taq kʼo jun xtaʼij che rä Dios chë xtaʼän, kan tabʼanaʼ yän, rma ryä ma nqä ta chwäch ri winäq ri majun ta kinaʼoj. Ri xaʼij che rä Dios chë xtaʼän, kan tabʼanaʼ. 5 Más ütz majun natzüj ta che rä Dios chwäch kʼo natzüj che rä ye kʼa ma naʼän ta. 8 We natzʼët chë chpan ri atinamit ri qʼatöy tzij yertzʼlaʼ ri ye kʼo pa mebʼaʼïl, ma pa rbʼeyal ta nqʼatö tzij chqä ma nuyaʼ ta chkë rwinaq ri kʼo chë nuyaʼ chkë, ma tchʼpü ta akʼuʼx. Ri qʼatöy tzij riʼ kʼo chik jun ri kʼo más uchqʼaʼ pa rqʼaʼ ri ntzʼetö rchë, y pa kiwiʼ ryeʼ ye kʼo chik nkʼaj ri kan más na chik uchqʼaʼ kʼo pa kiqʼaʼ. 12 Kan kiʼ rwaran ri ajsamajel winäq tapeʼ kʼïy o xa jbʼaʼ rway kʼo, ye kʼa jun bʼeyon, kan ntel rwaran rma rbʼeyomal. 18 Ya reʼ ntzʼeton rïn chë kan jaʼäl y kan ütz rchë nbʼan: chë jun winäq nwaʼ, nutäj ryaʼ y kiʼ rkʼuʼx nuʼän rkʼë jontir ri nukʼül rma ri rsamaj ri kan nutäj rqʼij nuʼän chpan ri jbʼaʼ ok rkʼaslemal ryaʼon ri kʼaslïk Dios che rä, rma ya riʼ rspanik ryaʼon ryä. 19 Chqä, taq ri kʼaslïk Dios nuyaʼ rbʼeyomal jun winäq chqä nuʼän chë kiʼ rkʼuʼx nuʼän rkʼë riʼ, ri winäq riʼ kʼo chë nukʼül ri rspanik y kiʼ rkʼuʼx nuʼän rkʼë ri rsamaj. Rma ya riʼ jun spanïk ri ryaʼon pä Dios.