Eclesiastés

12 Tnatäj ri Nimaläj Dios chawä, ri bʼanayon awchë, komä ke kʼa yït akʼal na; ma tayoʼej ta na chë kʼa xkepë na ri qʼij ri kan kʼïy kʼayewal xtaqʼaxaj chqä xkepë ri jnaʼ ri xtaʼij: «Ma kiʼ ta chik nkʼuʼx». 9 Ri nmolö kichë ri winäq ma xa xuʼ ta xjeʼ rnaʼoj, kan ronojel mul xkʼüt chkiwäch ri winäq ri rtaman chqä xquʼ rij y xkanuj más naʼoj rchë xeruʼij kʼïy proverbios. 10 Ri nmolö kichë ri winäq xtäj rqʼij xkanuj jaʼäl taq tzij y rchë kantzij ri xtzʼibʼaj qa. 13 Komä ri xakʼoxaj yän jontir reʼ, xa xuʼ ya reʼ nbʼij chawä chë tabʼanaʼ: taxiʼij awiʼ chwäch ri kʼaslïk Dios y tasmajij rpixaʼ, rma ya riʼ ri kʼo chë nuʼän jun winäq. 14 Rma ri kʼaslïk Dios xtqʼät tzij pa kiwiʼ ri winäq rma ri yekiʼän, yajün ri pan ewäl yekiʼän wä, rchë ke riʼ xttzʼët we yë ri ütz xkiʼän o manä.