Lucas

4 We jun chiwä rïx kʼo 100 rkarneʼl y nsach jun chkë riʼ, ¿ma yeryaʼ ta qa komä ri 99 pa jyuʼ chqä nbʼä chukanuxik ri karneʼl sachnäq kʼa taq nbʼerilaʼ? 5 Y taq nbʼerilaʼ, kan rkʼë kiʼkʼuxlal nukʼwaj äl chwiʼ rteleʼn. 6 Y taq napon chrachoch, yerskʼij rchiʼil chqä rvecinos y nuʼij chkë: ‹¡Tinaʼ ri kiʼkʼuxlal ri nnaʼ rïn, rma xinwïl ri nkarneʼl ri sachnäq wä äl!›. 7 Kantzij nbʼij chiwä chë kan ke riʼ chqä xtbʼanatäj chlaʼ chkaj, kan más kiʼ kikʼuʼx xtkiʼän taq jun ri nmakun nutzolij riʼ chwäch 99 ri chöj kikʼaslemal ri ma nkʼatzin ta nkitzolij kiʼ. 8 O we kʼo jun ixöq ri kʼo 10 dracmas rkʼë y nusäch jun chkë ri päq riʼ, ¿ma nutzäj ta komä ri rkantil chqä numës rachoch y eqal nukanuj ri päq riʼ kʼa taq nrïl? 9 Y taq nrïl, yerskʼij ri rchiʼil chqä ri rvecinas y nuʼij chkë: ‹¡Tinaʼ ri kiʼkʼuxlal ri nnaʼ rïn, rma xinwïl ri dracma ri nsachon!›. 10 Kantzij nbʼij chiwä chë achiʼel wä xnaʼ ri ixöq riʼ, ri r·ángeles Dios kan nkinaʼ chqä kiʼkʼuxlal taq jun winäq ajmak nutzolij riʼ». 17 Taq xqʼax chwäch chë ma ütz ta ri xuʼän, xuʼij: ‹¡Kan ye kʼïy chkë ri rsamajelaʼ ntataʼ pa rkʼiyal kiway kʼo, y rïn najin yikäm chë wayjal aweʼ! 18 Xkitzolin chrachoch ri ntataʼ y xtinbʼij reʼ che rä: «Tat, ximakun chwäch Dios chqä chawäch rït. 19 Ma taqäl ta chik chwij nbʼix chë yïn akʼajol. Tabʼanaʼ wkʼë achiʼel naʼän kikʼë ri asamajelaʼ»›. 20 Kʼa riʼ ri kʼajol riʼ xtzolin chrachoch ri rtataʼ. Taq kʼa näj na kʼo wä, ri rtataʼ xtzʼët apü y kowan xel rkʼuʼx. Xkʼäq anin rchë xbʼerkʼuluʼ, xqʼetej y xtzʼmaj rchiʼ. 21 Ri kʼajol xuʼij kʼa che rä rtataʼ: ‹Tat, ximakun chwäch Dios chqä chawäch rït. Ma taqäl ta chik chwij nbʼix chë yïn akʼajol›. 22 Ye kʼa ri tataʼaj xuʼij chkë ri rsamajelaʼ: ‹¡Chanin! Tikʼamaʼ pä jun mamaʼ raqän tzyäq, ri más jotäl rajäl, y tiyaʼ che rä. Tiyaʼ jun pqʼaʼ chqʼaʼ chqä tiyaʼ rxajabʼ. 23 Chqä tikʼamaʼ pä ri aläj wakx ri tiʼoj chik y tikamsaj rchë nqatäj chqä tqabʼanaʼ jun nmaqʼij rma xtzolin pä nkʼajol, 24 rma re nkʼajol reʼ kamnäq wä chik ye kʼa xkʼastäj pä, sachnäq wä äl y xelitäj pä›. Ke riʼ xkichäp ri nmaqʼij. 32 Ye kʼa röj kʼo wä chë xqaʼän jun nmaqʼij chqä xel qakʼuʼx rma xtzolin pä, rma ri awachʼalal achiʼel ta kamnäq äl, ye kʼa xkʼastäj pä. Ryä sachnäq wä äl, ye kʼa xlitäj pä›».