Proverbios

9 Ri chöj kikʼaslemal ye achiʼel jun kantil ri kowan rchqʼaʼ, ye k’a ri itzel taq winäq ye achiʼel jun kantil ri xa xtchup. 10 Jun winäq ri kowan nunaʼ riʼ xa xuʼ nuyäk chʼaʼoj chkikojöl ri nkʼaj chik, ye kʼa ri winäq ri nkikʼutuj kinaʼoj xkeʼok ajnaʼoj taq winäq. 11 Ri bʼeyomäl ri kan chaq bʼaʼ nawïl xa xkekʼis, ye kʼa ri bʼeyomäl ri eqal na namöl xa kan xtkʼiyär. 12 Taq kʼo jun ayoʼen ye kʼa ma nbʼanatäj ta yän, xa nuyaʼ ryabʼil awan; ye kʼa taq nbʼetzʼaqät jun ri arayin, kan achiʼel ta jun cheʼ ri nuyaʼ kʼaslemal. 16 Ri winäq ri kan kʼo rnaʼoj kan rtaman achkë yeruʼän, ye kʼa ri winäq ri majun ta rnaʼoj kan nukʼüt rkʼë ri yeruʼän chë majun ta rnaʼoj. 20 Ri yerachbʼilaj ajnaʼoj taq winäq xttok jun ajnaʼoj winäq, ye kʼa ri yerachbʼilaj winäq ri majun ta kinaʼoj majun ütz ta xtrïl pa rkʼaslemal. 24 Ri achï ri ma nuyaʼ ta jun rxkʼaʼy ralkʼwal xa itzel nunaʼ che rä, ye kʼa ri nrajoʼ ralkʼwal kan chanin xtqʼïl.