Isaías

48 Tikʼoxaj ya reʼ, ralkʼwal Jacob, rïx ri niʼij chë ikʼwan rbʼiʼ Israel chqä chë yïx petenäq chpan rjatzul Judá; rïx, ri kan niksaj rbʼiʼ Jehová taq niwajoʼ nikʼüt chë kantzij yixtzjon chqä kan niskʼij rDios Israel, tapeʼ ma rkʼë ta ronojel iwan niʼän wä chqä ma niʼän ta ri ütz. 17 Ya reʼ ri nuʼij Jehová, ri Akolonel chqä ri Loqʼoläj pa rwiʼ Israel: «Rïn, Jehová ri aDios, yatintjoj rchë nawïl utzil pan akʼaslemal chqä nkʼüt chawäch achkë bʼey kʼo chë nakʼwaj. 18 Xa ta rït nayaʼ axkïn chkë ri npixaʼ, ri uxlanen pan awan nuʼän ta kan achiʼel nuʼän jun raqän yaʼ, y ri achojmilal nuʼän ta kan achiʼel nuʼän ri rwiʼ mar. 22 Jehová nuʼij: «Ri itzel taq winäq majun ta uxlanen pa kan».