Mateo

4 Chrij riʼ ri loqʼoläj rchqʼaʼ Dios xuʼän chë Jesús xbʼä pa desierto. Chriʼ, ri Diablo xkanuj rbʼanik rchë Jesús nqä pa mak. 2 Rma ma waynäq ta 40 qʼij chqä 40 aqʼaʼ, Jesús kowan xpë rnmik. 3 Ya riʼ taq ri Diablo xapon rkʼë y xuʼij reʼ che rä: «Si yït Rkʼajol Dios, tabʼanaʼ chë re abʼäj reʼ yeʼok kaxlanwäy». 4 Ye kʼa ryä xuʼij: «Tzʼibʼatäl qa: ‹Ma xa xuʼ ta kaxlanwäy nkʼatzin che rä jun winäq rchë nkʼaseʼ, xa kan nkʼaseʼ chqä rkʼë jontir ri yeruʼij Jehová›». 5 Chrij riʼ, ri Diablo xkʼwaj äl Jerusalén, xpabʼaʼ pa rwiʼ ri peraj ri más näj kʼo wä che rä ri templo 6 y xuʼij reʼ che rä: «Si yït Rkʼajol Dios, takʼaqaʼ äl awiʼ, rma tzʼibʼäl qa: ‹Xkertäq pä r·ángeles xa awmä rït› y ‹xkatkikʼwaj rchë ma xtaküj ta awaqän rkʼë jun abʼäj›». 7 Jesús xuʼij reʼ: «Ye kʼa tzʼibʼatäl qa chqä: ‹Ma taʼän ta chë Jehová kʼo jun nuʼän xa xuʼ rchë natzʼët si kantzij yaturtoʼ o manä›». 8 Chrij riʼ, ri Diablo xkʼwaj äl pa rwiʼ jun mamaʼ jyuʼ, y xkʼüt jontir ri qʼatbʼäl taq tzij chwäch chqä kibʼeyomal. 9 Y xuʼij reʼ che rä: «Xtinyaʼ jontir ya reʼ chawä si xa rkʼë jmul yaxkeʼ chi nwäch rchë nayaʼ nqʼij». 10 Rma riʼ Jesús xuʼij ya reʼ che rä: «¡Jät äl Satanás! Rma tzʼibʼatäl qa: ‹Kaxkeʼ chwäch Jehová Dios y xa xuʼ ryä tayaʼ rqʼij›». 11 Rma riʼ, ri Diablo xbʼä äl. Ya riʼ taq xeʼapon jojun ángeles rkʼë Jesús rchë xkiyaʼ ri nkʼatzin che rä. 13 Taq xel äl Nazaret, xbʼä Capernaúm y chriʼ xjeʼ wä qa. Re tinamït reʼ kʼo chuchiʼ mar chqä pa kijyuʼ Zabulón y Neftalí. 14 Ya reʼ xbʼanatäj rchë xbʼetzʼaqät ri rbʼin qa chik Dios. Ryä xksaj ri profeta Isaías rchë xuʼij: 15 «¡Rït Galilea, akuchï ye kʼo winäq ri ma ye judíos ta, ri yït kʼo pa rjyuʼ Zabulón chqä pa rjyuʼ Neftalí, ri yït kʼo pa rbʼey ri mar jkʼan chik che rä ri Jordán! 16 Ri tinamït ri kʼo wä pa qʼequʼn xtzʼët jun mamaʼ saqïl; pa kiwiʼ ri ye kʼo pa jun tinamït ri kʼo wä chuxeʼ rmujal ri kamïk xbʼeqʼalajin jun saqïl». 17 Kan chpan qa ri qʼij riʼ, Jesús xchäp rtzjoxik reʼ: «Titzolij iwiʼ, rma ri Qʼatbʼäl Tzij ri rchë chkaj ya naqaj chik kʼo pä». 18 Taq najin wä nbʼiyïn chuchiʼ ri mar rchë Galilea, xertzʼët kaʼiʼ ajchapöy kär, ri kichʼalal kiʼ, ri najin wä nkikʼäq jun yaʼl pa mar. Jun chkë riʼ ya riʼ Simón, ri nbʼix chqä Pedro che rä, y ri jun chik ya riʼ Andrés, ri rchʼalal. 19 Ryä xuʼij reʼ chkë: «Kinitzeqelbʼej y xtinkʼüt chiwäch achkë rbʼanik yeʼikanuj winäq achiʼel ta yeʼikanuj kär». 20 Ryeʼ xkiyaʼ qa kiyaʼl y xeʼok rtzeqelbʼëy. 22 y ryeʼ kan chanin xkiyaʼ qa ri barco chqä ri kitataʼ, y xkitzeqelbʼej äl.