1 Crónicas

29 Chrij riʼ, David, ri qʼatöy tzij, xuʼij chkë ri winäq: «Salomón, ri nkʼajol, ri chaʼon rma Dios, kʼa kʼajol na y majajün ta rnaʼoj, [...] 3 Chqä rma kan nwajoʼ nyak rachoch nDios, rïn chqä nyaʼ oro y plata —ri nbʼeyomal rïn— rchë tksäx chubʼanik rachoch nDios, y reʼ ma kʼo ta chpan jontir ri nyaʼon chik rchë nyak re loqʼoläj jay reʼ, 10 [...] «Tyaʼöx aqʼij rït Jehová, ri rDios ri qatataʼ Israel, tbʼä qʼij tbʼä säq. 11 Xa xuʼ rït Jehová kowan nüm aqʼij akʼojlen chqä kowan awchqʼaʼ, rma ronojel ri kʼo chkaj chqä chwäch le Rwachʼlew awchë rït. Awchë rït Jehová ri qʼatbʼäl tzij. Rït yabʼanö chë más nüm aqʼij njeʼ chwäch ronojel. 12 Awkʼë rït npë wä ri bʼeyomäl y ri rwaqʼijaj. Kan yë rït yaqʼato tzij pa rwiʼ ronojel; pan aqʼaʼ rït kʼo ronojel uchuqʼaʼ. Chqä rït yakowin nanimirsaj kiqʼij ri winäq, y nayaʼ kichuqʼaʼ konojel. 13 Rma riʼ, qaDios, röj nqamatyoxij chawä y nqabʼixaj ri nimaläj abʼiʼ. 14 Rma riʼ, ¿yïn achkë ta kʼa rïn chqä achkë ta kʼa ntinamit rchë ma xtqayaʼ ta ronojel re spanïk reʼ chawä? Ronojel kan awkʼë rït npë wä, rma riʼ ri xqayaʼ chawä kan yït yatyayon pä chqë . 17 Nimaläj nDios, rïn ntaman chë rït natzʼët achkë kʼo pa kan ri winäq chqä nqä chawäch chë ryeʼ nkikʼwaj jun jïk kʼaslemal chawäch. Kan rkʼë ronojel wan xinyaʼ jontir reʼ chawä, y kan kiʼ nkʼuʼx nnaʼ rma ntzʼët chë ri atinamit kʼo aweʼ rchë yeryaʼ spanïk chawä. 18 Nimaläj Jehová, rDios Abrahán Isaac chqä Jacob —ri qamamaʼ—, tatoʼ ri atinamit rchë njeʼ re naʼoj reʼ rkʼë y rchë ronojel mul nurayij nuʼän riʼ, chqä tatoʼ rchë chawij rït nuyaʼ wä ran. 20 David xuʼij k’a ya reʼ chkë jontir ri israelitas ri xermöl: «Komä tiyaʼ rqʼij Jehová iDios». Y jontir ri kimolon wä kiʼ chriʼ xkiyaʼ rqʼij Jehová, kiDios katiʼt kimamaʼ, y xexkeʼ chqä xkiqasaj kiʼ pan ilew chwäch Jehová chqä chwäch ri qʼatöy tzij.